لە ئەنجامی رووداوێكی تەقەكردن له‌ هۆڵه‌ندا ژماره‌یه‌ك هاووڵاتی برینداربوون

پۆلیس: پێدەچێت ڕووداوەکە تیرۆرستی بێت

 

لە شارێكی هۆڵەندا لە ناو وێستگەیەکی تراموای لە لەلایەن کەسێکەوە دەستڕێژی گولـلە کراوە  و کەسێک کوژراوە و ژمارەیەکی دیكه‌ش برینداربوون.

میدیاكانی هۆڵه‌ندا بڵاویانكردەوە بەیانی ئەمڕۆ دووشەممە، لە ئەنجامی رووداوێكی تەقەكردن بەسەر شەمەندەفەرێكی كارەباییدا لە شاری ئۆتریختی ئەو وڵاتە، ژمارەیەكی زۆری هاووڵاتی برینداربوون.

بەگوێری میدیاكان پۆلیسی شارەکە ووردەکاری ڕووداوەکە و ئاماری ووردی کوژراو بریندارەکانی ڕووننەکردووەتەوە ، تەنها ڕایگەیاندووە، پێدەچێت ڕووداوەکە تیرۆرستی بێت.

هه‌روه‌ها پۆلیسی ئه‌م شاره‌ له‌ هه‌ژماری تایبه‌تیی خۆی له‌ تۆڕی كۆمه‌ڵایه‌تیی تویته‌ر،   هاووڵاتیان ئاگادار ده‌كاته‌وه‌ هه‌ر كه‌س تۆمه‌تباره‌كه‌ی بینی، راسته‌وخۆ پۆلیس ئاگادار بكاته‌وه‌، ده‌شڵێت: ته‌نها ئه‌وه‌نده‌ بۆ پۆلیس بكه‌ن كه‌ له‌ هه‌رشوێنێك بینیان په‌یوه‌ندی به‌ ژماره‌كانی فریاكه‌وتنه‌وه‌ بكه‌ن.

بۆ بینینی ڤیدیۆی رووداوه‌كه‌ كلیك له‌سه‌ر ئه‌م لینكه‌ی خواره‌وه‌ بكه‌:

https://www.facebook.com/kurdistantvcenter/videos/1425592007576198/?notif_id=1552891168893103&notif_t=live_video

داڕشتنه‌وه‌ی: سامان زاهیر