كچه‌ تێنسزانی ئۆكراینی ئیلینا سڤیتۆلینا سه‌ركه‌وتنى به‌سه‌ر داریا گاڤریلۆڤای ئوستڕالی تۆمار كرد

له‌ پاڵه‌وانێتی نێوده‌وڵه‌تی ماسته‌رزی ئیندیان وێڵزی ئه‌مه‌ریكی دا

 له‌ پاڵه‌وانێتی نێوده‌وڵه‌تی ماسته‌رزی ئیندیان وێڵزی ئه‌مه‌ریكی له‌ یاری تێنسی سه‌رزه‌وی و له‌ ڕكابه‌ریه‌كانی قۆناغی سێیه‌می ئاستی خانماندا، كچه‌ یاریزانی ئۆكراینی ئیلینا سڤیتۆلینا به‌ دوو كۆمه‌ڵه‌ی بێ به‌رامبه‌رو به‌ئه‌نجامی حه‌وت پێنج، شه‌ش چوار له‌ داریا گاڤریلۆڤای ئوستڕالی و پۆلێنكراوی په‌نجاوسێیه‌می ڕیزبه‌ندی جیهانی برده‌وه‌و گه‌یشه‌ قۆناغی چواره‌م

له‌م قۆناغه‌شدا، سڤیتۆلینای پۆلێنكراوی شه‌شه‌می ڕیزبه‌ندی كچه‌ تێنسزانانی جیهان ڕووبه‌ڕووی ئاشلی بارتی ئوستڕالی ده‌بێته‌وه، له‌ یاریه‌كی دیكه‌شدا، كیكی بێرتێنسی هۆڵه‌ندی و پۆلێنكراوی حه‌وته‌می ڕیزبه‌ندی جیهان به‌ دوو كۆمه‌ڵه‌ی بێ به‌رامبه‌ر سه‌ركه‌وت به‌سه‌ر یۆهانا كۆنتای بریتانی و پۆلێنكراوی چلوپێنجه‌می ڕیزبه‌ندی جیهان و ئه‌ویش به‌ هه‌مان شێوه‌ گه‌یشته‌ قۆناغی چواره‌م، ئه‌نجامی كۆمه‌ڵه‌كانی یاریه‌كه‌ حه‌وت شه‌ش، شه‌ش چوار بوو، له‌ قۆناغی چواره‌میشدا، بێرتێنس ڕووبه‌ڕووی گاربین موگوڕوازی ئیسپانی ده‌بێته‌وه‌