خشته‌ و كاتى یاریه‌كانى گه‌ڕانه‌وه‌ له‌قۆناغى 16 ى خولی یانه‌ پاله‌وانه‌كانى ئه‌وروپا

سێشه‌ممه‌ یاریه‌كان به‌ڕێوه‌ده‌چێت

سبه‌ى سێشه‌ممه‌ 12 ى 3 ى 2019 ، له‌میانى به‌ڕێوه‌چوونى یاریه‌كانى گه‌ڕانه‌وه‌ له‌قۆناغى 16 ى خولی یانه‌ پاله‌وانه‌كانى ئه‌وروپا ، خشته‌و كاتى یاریه‌كان به‌كاتى هه‌ولێر به‌م شێوه‌یه‌ به‌ڕێوه‌ده‌چێت 


كاتژمێر 11 ى شه‌و به‌كاتى هه‌ولێر مانچسته‌ر سیتى میوانداری شالكه‌ ده‌كات ، یاری چوون له‌نێوان ئه‌م دوو یانه‌یه‌ له‌به‌رژه‌وه‌ندی مانچسته‌ر سیتى به‌ئه‌نجامی سێ گۆل به‌رامبه‌ر به‌دووگۆل بۆ شالكه‌ به‌كۆتا هات


له‌یاریه‌كى دیكه‌دا له‌هه‌مان كاتى ئاماژه‌ پێدراودا ، یۆڤانتۆس میوانداری ئه‌تله‌تیكۆ مه‌درید ده‌كات 

یۆڤانتۆس له‌یاری چووندا دووچاری شكست هات به‌ئه‌نجامی دووگۆلی بێ به‌رامبه‌ر ، له‌یاری گه‌ڕانه‌وه‌دا یانه‌ ئیتاڵیه‌كه‌ هه‌وڵی قه‌ره‌بووكردنه‌وه‌ى ئه‌نجامی یاری چوون و براوه‌بوون ده‌دات له‌پێناو سه‌ركه‌وتنى بۆ قۆناغى داهاتووی خوله‌كه‌ 


ئه‌تله‌تیكۆ مه‌دریدیش كه‌براوه‌بوونى یاری چوون بووه‌ ،له‌م یاریه‌شدا هه‌وڵ بۆ سه‌ركه‌وتن ده‌دات كه‌تۆماری بكات له‌پێناو په‌ڕینه‌وه‌ى بۆ قۆناغى 8 ى خوله‌كه‌ 

ڕۆژى چوارشه‌ممه‌ش  13 ى 3ى 2019 

ئه‌م یاریانه‌ به‌ڕێوه‌ده‌چن 


بارسێلۆنا - لیۆن  11:00 شه‌و 

یاری چوون له‌نێوان هه‌ردوو یانه‌دا به‌یه‌كسان بوون به‌بێ گۆل له‌نێوان هه‌ردوو یانه‌دا به‌كۆتا هاتبوو 

بایرن میونشن - لێڤه‌رپول   11:00 شه‌و 

یاری چوون له‌نێوان ئه‌م دوو یانه‌یه‌ش به‌یه‌كسان بوون به‌بێ گۆل به‌كۆتا هاتبوو