شاره‌وانی 3ی هه‌ولێر شوفێران ئاگادار ده‌كاته‌وه‌

بەهۆی قیرتاوكاردنی شه‌قامی 100 مه‌تری

پ. كارزان كاكل ... شاره‌وانی 3ی هه‌ولێر شۆفێران ئاگاداردەکاتەوە، بەهۆی قیرتاوكاردنی شه‌قامی 100 مه‌تری شارەکەوە شۆفێران ئاگادارده‌كاته‌وه‌، لەوشەقامە هاتوچۆ نەکەن رێگای دیكه‌ به‌كاربهێنن و تا ته‌واوكردنی كاره‌كانیان رێگای دیكه‌ بۆ هاتووچۆ به‌كاربهێنن.

بۆ ئه‌و مه‌به‌سته‌ش به‌ڕێوه‌به‌رایه‌تی شاره‌وانی سێ ئاگاداریه‌كی بڵاوكرده‌وه‌ و تێیدا هاتووه‌، "ئاگاداری شوفێرەكان دەکەینەوە، بەیانی رێکەوتی 10/3/2019 هەڵمەتی دووبارە قیڕتاوکردنەوەی شەقامی 100 مەتری لە رێگای کۆیە تا رێگای شەقڵاوە دەستپێدەکات، بۆ کەمکردنەوەی جەنجالی هاتوچۆ، تا دەتوانن رێگای تر بەکاربهێنن و لە و شەقامە دووربکەونەوە.

له‌م باره‌یه‌وه‌ سامان محه‌مه‌د سه‌رۆكی شاره‌وانی هه‌ولێر لێدوانێكی تایبه‌ت به كوردستان تی ڤیدا و گوتی  له‌سه‌ر داهاتی شاره‌وانی و  وه‌زاره‌تی شاره‌وانی هه‌ولێر، بریادرا به‌یانی  شه‌قامی 100 مه‌تر به گوژمه‌ی 600 ملیۆن دینار  له‌ شه‌قامی شۆرش تا شه‌قامی كۆێی قیرتاوبكرێته‌وه.

ئاماژه‌ی به‌وه‌شدا ئه‌مه‌ش له دوای نیگه‌رانی و ناڕه‌زای هاووڵاتیان و شوفێرانی شاری هه‌ولێر به‌رامبه ر به خراپی و تێكچوونی ئه‌م شه‌قامه‌ هات.