له‌توركیا هێڵی ئاسنی هالكالی كاپیكو بۆ سه‌ر سنووری بولگاریا ده‌ستپێده‌كرێت

خێراییه‌كه‌ی ده‌گاته‌ 200 كیلۆمەتر له‌ کاتژمێرێکدا


وه‌زیری گواستنه‌وه‌ و ژێرخانی توركیا، جاهید توران رایگه‌یاند، پلانی دروستكردنی هێڵی ئاسنی هالكالی-كاپیكوله‌ كه‌ له‌ پلانیانیاندایه‌ له‌ مانگی نیسانی داهاتوودا ده‌ست پێبكه‌ن، له‌گه‌ڵ ته‌واوبوونیدا كه‌ درێژییەکەی دووسه‌د و سی ویه‌ك كیلۆمەتر ده‌بێت، شه‌مه‌نده‌فه‌رێكی خێرا و بارهه‌ڵگر جێگیر ده‌كرێت كه‌ خێراییه‌كه‌ی ده‌گاته‌ 200 كیلۆمەتر له‌ کاتژمێرێکدا. 

گوتیشی: "به‌و چه‌شنه‌ له‌ ئیستانبوڵه‌وه‌ بۆ سنووری بولگاریا له‌رێی پرۆژه‌ی هالكالی-كاپیكوله‌ وڵاته‌كه‌مان رێگه‌یه‌كی ئاسنی ستانداردی به‌رزی له‌گه‌ڵ وڵاتانی یه‌كێتی ئه‌ورووپا ده‌بێت".