وه‌زیری ده‌ره‌وه‌ی ئه‌مریكا: تاكتیكمان له‌ به‌ره‌نگاربوونه‌وه‌ی داعشدا ده‌گۆڕین

زیاتر له‌ كیشوه‌رێك له‌گه‌ڵ داعش له‌ جه‌نگداین

مایك پۆمپیۆ، وه‌زیری ده‌ره‌وه‌ی ئه‌مریكا له‌باره‌ی ده‌رهێنانی دوا ناوچه‌كانی نیشته‌جێبوون له‌ ده‌ست رێكخراوی تیرۆریستی داعش له‌ رۆژهه‌ڵاتی فورات له‌ سووریا به‌ ته‌له‌ڤیزیۆنی ده‌وڵه‌تی ئایسله‌ند-ی راگه‌یاند : قۆناغی داگیركردنی خاك به‌ شێوه‌یه‌كی به‌رفراوان له‌ لایه‌ن داعش بووه‌ته‌ رابردوو و گوتی: (ئه‌و قۆناغه‌) بوو به‌ رابردوو به‌ هۆی كاره‌ باشه‌كانی هێزه‌ خۆجێییه‌كان كه‌ هاوبه‌شی ئه‌مریكان له‌ سووریا و عێراق، به‌ڵام ئه‌ركه‌كان ته‌واو نه‌بوون. له‌ زیاتر له‌ كیشوه‌رێك له‌گه‌ڵ داعش له‌ جه‌نگداین، به‌ڵام تاكتیكه‌كانمان ده‌گۆڕێن و له‌ گۆڕاندان.

هه‌روه‌ها گوتی: تا داعش گۆڕانكاری به‌سه‌ر خۆیدا بهێنێت، ئێمه‌یش وا ده‌كه‌ین. له‌و هه‌ڕه‌شه‌یه‌ تێده‌گه‌ین كه‌ له‌ تیرۆری ئیسلامییه‌وه‌ ئاراسته‌ ده‌كرێت. سه‌رۆك تره‌مپ پێداگیرانه‌ له‌وه‌ تێده‌گات.

گوتیشی: پێداگیرین له‌سه‌ر جه‌نگان له‌ دژی ئه‌وان ته‌نها له‌و شوێنانه‌ نا كه‌ ئه‌وانی لێن و ته‌نها (له‌ پێناو) ئه‌مریكا نا به‌ڵكو له‌سه‌ر كه‌مكردنه‌وه‌ی مه‌ترسییه‌كان كه‌ دووچاری هاوپه‌یمانه‌كانمان ده‌بنه‌وه‌.