ھیندستان.. 105 کەس بە ھۆی ڤایرۆسی ئەنفلۆنزای بەرازەوە گیانیان لەدەستدا

لە ویلایەتی راجستاندا


ژمارەی ئەو کەسانەی کە لە سەرەتای ئەمساڵەوە لە ویلایەتی راجستان باکووری رۆژئاوای ھیندستان بە ھۆی ڤایرۆسی ئەنفلۆنزای بەرازەوە گیانیان لەدەستداوە، بەرزبووە بۆ 105  کەس.

بەرپرسانی ویلایەتی راجستان رایانگەیاندووە کە لە میانی ھەفتەی رابردوودا، پێنج کەسی دیکە بە ھۆی ڤایرۆسی ئەنفلۆنزای بەرازەوە لە ویلایەتەکە، گیانیان لەدەستداوە.

بەمەش ژمارەی ئەو کەسانەی کە لە سەرەتای ئەمساڵەوە لە ویلایەتی راجستان بە ھۆی ئەنفلۆنزای بەرازەوە گیانیانلەدەستداوە بەرزبووەوە و گەیشتە 105  کەس.

بە گوتەی ئەو بەرپرسانە، ئەنفلۆنزای بەراز لە شارەکانی جایپور، گانگناگار و سیگار بڵاوبووەتەوە.

لە لایەکی دیکەوە میدیاکانی ھیندستان بڵاویانکردەوە، تیمی پزیشکی لە ویلایەتی راجستان ئاشکرایانکردووە کە لە سەرەتای ئەمساڵەوە تا ئێستا، دوو ھەزار و 854 کەس لەو ویلایەتە تووشی ڤایرۆسی ئەنفلۆنزای بەراز ھاتوون. 

سه‌رچاوه‌ - AA
دانانى هه‌واڵ - شوان عه‌زیز