زیانە تەندروستیەكانی نووستن لەسەر دەم بزانه‌

بەشێكی جەستەیان تووشی زیان دەبێت

شێوازی نووستن لەكەسێكەوە بۆ كەسێكی تر دەگۆرێت، بەڵام ئەو كەسانەی كە لەسەر دەم یاخود سك دەخەون چەند بەشێكی جەستەیان تووشی زیان دەبێت لەوانە:

- رێرەوی هەناسەدان: بەهۆی زۆربوونی پەستان لەسەر سییەكان توانای هەناسەدان قورستر دەبێت، ئەمەش كاریگەری خراپی لەسەر رێرەوی هەناسە و دیواری دڵ دەبێت.

- پەلەكان: نووستن لەسەر دەم دەبێتە هۆی كەمبوونەوەی لینجی شانەكان و دروست بوونی ئازار لەقۆڵ و باڵدا.

- مل: دەبێتە هۆی دروستبوونی ئازاری مل ئەوەش بەهۆی ئەوەی مل بەشێوەیەك دادەنرێت كەرێك نیە و ناجووڵێت و و پەستانی زیاتر دەخاتە سەر بڕبڕەكانی مل.

- پشت: دەبێتە هۆی تووشبوون بە فەقەرات و چەمانەوەی پشت ،بەهۆی ئەوەی بڕبڕەی پشت هەموو قورسایی لەش هەڵدەگرێت.

سه‌رچاوه‌ - تەندروستی سلێمانی
دانانى هه‌واڵ - شوان عه‌زیز