ژنێكی ته‌مه‌ن 35 ساڵان و كوڕێكی ته‌مه‌ن 23 ساڵان كۆتاییان به‌ ژیانی خۆیان هێنا

له‌و شاره‌ی كوردستان

به‌ پێی هه‌واڵێكی ڕێكخراوی مافی مرۆڤی هه‌نگاو له‌ شاری مه‌هاباد ژنێكی ته‌مه‌ن 35 ساڵ و كوڕێكی ته‌مه‌ن 23 ساڵ به‌ ژیانی خۆیان هێناوه‌.

به‌پێی هه‌واڵه‌كه‌ ، دوێنێ دووشه‌ممه‌ ژنێكی ته‌مه‌ن 35 ساڵان كه‌ خه‌ڵكی ئاوایی ”قزل قۆپی” سه‌ر به‌ شاری مه‌هاباده‌ به‌ هۆی خه‌مۆكی كۆتایی به‌ ژیانی خۆی هێناوه‌.

ئه‌و ژنه‌ ناوی “فه‌ریده‌ عه‌بدوڵڵازاده‌” و دایكی سێ منداڵه‌ و به‌ په‌ت خۆی خنكاندووه‌ و كۆتایی به‌ ژیانی خۆی هێناوه‌.

له‌لایه‌كی دیكه‌وه‌ هه‌مان ڕێكخراو ڕاشیگه‌یاندووه‌ كه‌وا هه‌مان رۆژ لاوێكی ته‌مه‌ن 23 ساڵ به‌ ناوی “ڕه‌زا چووپانی” له‌ ئاوایی ”ئاسۆكه‌ند”ی سه‌ر به‌ شاری مه‌هاباد مه‌هاباد به‌ هۆی تووش بوون به‌ خه‌مۆكی له‌ ڕێگه‌ی خۆهه‌ڵواسینه‌وه‌ كۆتایی به‌ ژیانی خۆی هێناوه‌.