شەڕڤانان ژماره‌یه‌ك هاووڵاتی له‌ ده‌ست چه‌كدارانی داعش رزگاركرد

له‌ ناوچه‌ى سوسه‌ى هه‌جین


شەڕڤانانی هەسەدە توانیان دوو هەزار و 500 کەسی دانیشتووی هەجین لە دەستی داعش ڕزگار بکەن کە بەشێکی زۆریان منداڵ بوون.

میدیای سەر بە رۆژئاوای کوردستان بڵاویانکردەوە، کە هێزه‌كانى سوریاى دیموكرات هەسەدە له‌ ناوچه‌ى سوسه‌ى هه‌جین توانیویانه‌ له‌ ئۆپراسیۆنێكدا دوو هه‌زار و 500 هاووڵاتى سڤیل له‌ژێر دەستی چه‌كدارانى ڕێكخراوى داعش رزگار بكه‌ن کە وه‌ک قه‌ڵغان بۆ خۆیان به‌کارده‌هێنان.

بەپێی میدیاکان،، به‌شێكى زۆری ئەو هاووڵاتیانەی رزگارکراون منداڵ و هاووڵاتى به‌ته‌مه‌نن و به‌شێكیشیان بریندارن.

هاوکات ئاژانسی هاوار نیوز لەزاری محه‌مه‌د ئیسماعیل، ئه‌ندامى ئه‌نجومه‌نى سوریاى دیموكرات ببڵاویکردوەتەوە، کە سه‌رجه‌م هاوڵاتییه‌كان له‌ ده‌وروبه‌ى ناوچه‌كانى پێكدادان دوور خراونه‌ته‌وه‌ و ئه‌وانه‌شى پێویستیان به‌ چاره‌سه‌رى پزیشكى هه‌یه‌ چاره‌سه‌ریان بۆ ده‌كرێت.