چۆن نه‌هێڵین جامی ئۆتۆمبێله‌كه‌مان بیبه‌ستێت

یه‌كێك له‌و كێشانه‌ی تووشی شۆفێران ده‌بێت


له‌گه‌ڵ هاتنی وه‌رزی زستان و سه‌رمادا یه‌كێك له‌و كێشانه‌ی تووشی شۆفێران ده‌بێت بریتییه‌ له‌وه‌ی جامی پێشه‌وه‌ی ئۆتۆمۆبێله‌كه‌یان ده‌یبه‌ستێت و نازانن چی بكه‌ن بۆئه‌وه‌ی تووشی ئه‌و حاڵه‌ته‌ نه‌بن.
به‌ڵام ده‌شێت چه‌ند فێڵێكی زۆر ئاسان بتوانێت له‌و كێشه‌یه‌ بتپارێزێت و ئه‌وانیش بریتین له‌مانه‌ی خواره‌وه‌:
-ئاو بهێنێته‌ و به‌ئاره‌زووی خۆت خوێی تێبكه‌ و بیتوێنه‌ره‌وه‌ تیایدا و دواتر خاولییه‌كی پێ ته‌ڕ بكه‌ و بیده‌ به‌سه‌ر جامی پێشه‌وه‌ی ئۆتۆمۆبێله‌كه‌تدا، ئه‌وه‌ش پله‌ی به‌ستنی جامه‌كه‌ت نزمتر ده‌كاته‌وه‌ و له‌و كه‌شه‌ سارده‌دا نایبه‌ستێت.
-به‌هه‌مان شێوه‌ ده‌توانیت له‌بری خوێ سركه‌ی سێو به‌كاربهێنیت و به‌ڕێژه‌ی ١ به‌ ٣ له‌گه‌ڵ ئاودا تێكه‌ڵی بكه‌یت.
به‌ڵام هیچ كات ئاوی گه‌رم مه‌كه‌ به‌ جامه‌كه‌دا، چونكه‌ گه‌رمییه‌كی له‌ناكاو له‌وانه‌یه‌ ببێته‌هۆی ته‌قینی جامه‌كه‌ت.

سه‌رچاوه‌ - Traffic Fm
شوان عه‌زیز