زیانه‌كانی مۆمی بۆندار بزانه‌

ده‌بێته‌ هۆی نه‌خۆشییه‌كانی دڵ و شێرپەنجەی سی و پێست

هه‌رچه‌نده‌ مۆمی بۆن خۆش دەروونت ئارامدەکاتەوە و کەشێکی رۆمانسی  و خۆش بە ماڵەکەت دەبەخشێت  ، بەڵام  له‌ هه‌مان كاتیشدا کاریگەری خراپی  بۆ تەندروستیت هەیە،  ره‌نگه‌ ببێته‌ هۆكارێك بۆ تووشبوونت به‌   شێرپەنجە و نەخۆشییەکانی هەناسەدان .

بەگوێرەی ژماره‌یه‌ك  توێژینەوەی زانستی کاتێک مۆمێک دادەگیرسێنیت ، جگە لە بۆنەکەی دوکەڵ بڵاودەکاتەوە كه‌ رێژەیەکی زۆر ژەهری تێدایە ، ئه‌مه‌ش کاریگەری لەسەر سییەکان و کرداری هەناسەدان هەیە، ئەگەر ژوورەکەت داخراوبێت مەترسییەکەی زیاترە و رەنگە ببێتەهۆی شێرپەنجە، یاخود هەوکردنی پێست و ئەکازیما.

لەلایەکی دیکەوە پسپۆڕان ئاماژەدەدەن بەوەی هەندێک جۆری مۆم هەیە هەڵم و گاز بڵاودەکاتەوە، کە ماددەی "فورمالدیهاید" بەرهەمدەهێنێت و زیانی هەیە ، بێگومان کاریگەری مۆم بۆ منداڵان و هەرزەکاران زیاترە و رەنگە ببێتە هۆی رەبۆ، یان نەخۆشیەکانی دڵ و شێرپەنجەی سی و پێست .