به‌شیر حه‌داد: گفتوگۆكان له‌باره‌ی بودجه‌ به‌رده‌وامه‌ و شایسته‌ی جوتیارانیش یه‌كلابۆته‌وه‌و خه‌رج ده‌كرێت‌

له‌ نێوان هه‌رێمی كوردستان و حكومه‌تی عێراق

به‌شیر حه‌داد جێگری سه‌رۆكی ئه‌نجوومه‌نی نوێنه‌رانی عێراق له‌ لێدوانێكدا بۆ كوردستان تی ڤی ڕایده‌گه‌یه‌نێت گفتوگۆكانی نێوان هه‌رێمی كوردستان و حكومه‌تی عێراق به‌رده‌وامه‌ ئه‌وه‌ی ئێستا له‌سه‌ر بودجه‌ بڵاوكراوه‌ته‌وه‌ كۆتایی كاره‌كه‌ نییه‌، كارده‌كه‌ین بۆ ئه‌وه‌ی پشكی هه‌رێمی كوردستان له‌ قه‌رز و كرێی كۆمپانیا نێوده‌وڵه‌تییه‌كان و بودجه‌ی پێشمه‌رگه‌ له‌ پڕۆژه‌ یاسای بودجه‌ی 2019ی عێراق وه‌ربگرین.

جێگری سه‌رۆكی ئه‌نجوومه‌نی نوێنه‌رانی عێراق ئاماژه‌ به‌وه‌ش ده‌كات شایسته‌ی جوتیاران یه‌كلابۆته‌وه‌ و لیژنه‌ی كشتوكاڵ له‌گه‌ل وه‌زیری بازرگانی و وه‌زیری كشتوكاڵ بڕیاریاندا به‌ خه‌رجكردنی پاره‌ی گه‌نمی جوتیارانی هه‌رێمی كوردستان.