بوومەلەرزەیەکی بەهێز شاری مەردهەکی لە پارێزگای کرمان هەژاند

زیانی گیانی و مادیی نەبووە

میدیا فەرمییەکانی ئێران ئاشكرایكردووه‌ نیوە شەوی ڕابردوو بوومەلەرزەیەکی بەهێز شاری"مەردهەک"ی لە پارێزگای کرمان هەژاندووە.

بەپێی ڕاپۆرتی ماڵپەڕی (ئیرنا) شەوی ڕابردوو بوومەلەرزەیەک بە گوڕی پێنج پۆینت یه‌ك ڕیختەر شاری "مەردهەک"ی لە پارێزگای کرمان هەژاندووە، به‌ڵام ئەو بوومەلەرزەیە زیانی گیانی و مادیی نەبووە.

هه‌روه‌ها پێشتریش بوومەلەرزەیەکی دیکە بە گوڕی سێ پۆینت حه‌وت بە پلەی ڕێختەر تێیدا ڕووی دابوو و هیچ زیانێكی گیانی نەبووە.

کرمان یەک لەو پارێزگایانەی ئێرانە کە ناوچەیەکی سەرچاوەی بوومەلەرزەیە و ساڵی دوو هه‌زار و دوو بوومەلەرزەیەکی بەهێز لە شاری "بم"ی دا و بە هەزاران کەس گیانیان لەدەست دا.