وه‌زاره‌تى په‌روه‌رده‌ ئاگاداریه‌ك بڵاو ده‌كاته‌وه‌

له‌ناوه‌ڕۆك ده‌قى ئاگاداریه‌كه‌ بزانه‌

 له‌ئاگاداریه‌كدا كه‌وێنه‌یه‌ك بۆ ماڵپه‌رى كوردستان تیڤى نێردراوه‌ ، وه‌زاره‌تى په‌روه‌رده‌ى هه‌رێمى كوردستان ئاگادارییەک بۆ خوازیارانى وەرگرتنى منداڵ لە قوتابخانەکانى سابیس بڵاو ده‌كاته‌وه‌ ئه‌مه‌ش ده‌قه‌كه‌یه‌تى : 

بە مەبەستى پڕکردنەوەى بۆشایی لە ئاستى دووەمى باخچەى منداڵان و قۆناغەکانى دیکەى خوێندن لە قوتابخانە هاوبەشەکانى نێوان حکومەتى هەرێمى کوردستان و کۆمپانیاى سابیس، وەزارەتى پەروەردە بڕیارى دا:

بەڕێوەبەرایەتى قوتابخانەکانى هەرێمى کوردستان ـ بە سیستەمى سابیس، بە پێى بۆشایى پۆلەکانیان و بە هەڵسەنگاندن و بە وەبەرچاوگرتنى ڕێنماییەکانى وەزارەت، قوتابیان و خوێندکاران وەربگرن.

تێبینى:

1. هەموو قوتابی و خوێندکارێک مافى هەڵسەنگاندن و فۆڕمپڕکردنەوەى هەیە.

2. وەرگرتنى منداڵ قۆناغى یەکەمى باخچەى ساوایان ناگرێتەوە.

3. قوتابخانەى شوەیفاتى ئەهلى بەدەرە لەم وەرگرتنە.

4. ڕۆژى تاقیکردنەوە ٤/١٠/٢٠١٨ دەبێت و پێش لەو ڕێکەوتە پێویستە قوتابی ناوى نووسرابێت و فۆڕمی پڕ کردبێتەوە.

5. دواى هەڵسەنگاندن، بە پێى بەتاڵى کورسییەکانى پۆل، تیروپشک بۆ درەچووەکان دەکرێت.

شوان عه‌زیز