فه‌ره‌نسا.. دوو فڕۆكه‌وانى پێشمه‌رگه به‌شداریان له ڤیستیڤاڵێكی ئاسمانی نێوده‌وڵه‌تى كرد

توانیان سه‌رنجى به‌شداربوانى ڤیستیڤاڵه‌كه بۆ خۆیان راكێشن

دوو فڕۆكه‌وانى پێشمه‌رگه به‌ ناوه‌كانی کوردەوان نەقشبەندی و علمی مزوری، به‌شداریان له ڤیستیڤاڵى ئاسمانی نێوده‌وڵه‌تى كوپى ئیكارو له فه‌ره‌نسا كرد به ناوى پێشمه‌رگه كه ساڵانه زیاتر له 171 وڵات به‌شدارى ئه‌م ڤیستیڤاڵه‌ ده‌كه‌ن .

پێشمه‌رگه هه‌ڵۆكان توانیان سه‌رنجى به‌شداربوانى ڤیستیڤاڵه‌كه بۆ خۆیان راكێشن و له لایه‌ن سه‌رۆكى ڤیستیڤاڵى ئاسمانی نیوده‌وڵه‌تى كوپى ئیكارو پێشوازیان لێكرا و ئاڵای پیرۆزی کوردستان و دیاری وەزارەتی پێشمەرگە بەناوی وەزیری پێشمەرگە و تەواوی پێشمەرگەی کوردستان پێشکەشیان کرا .