هاتووچۆ ئه‌و مه‌رجانه‌ى ڕاگه‌یاند كه‌پێویستن بۆ پێدانى مۆله‌تى شۆفێری

له‌ڕاگه‌یاندراوی هاتووچۆ

له‌ڕاگه‌یاندراوێكدا كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه‌ ، به‌ڕێوه‌به‌رایه‌تى هاتووچۆی سلێمانى ڕایده‌گه‌ێنێت ، به‌و مه‌رجه‌ یاساییانه‌ هاوڵاتیان ده‌توانن مۆڵه‌تى شۆفێری به‌ده‌ست بێنن به‌م شێوه‌یه‌ : 

له‌به‌شی (سێ)ی یاسای ژماره‌ (86)ی هاتوچۆی ساڵ ی (2004)دا، تایبه‌ته‌ به‌بوونی ئه‌و مه‌رجانه‌ی كه‌ داواده‌كرێت بۆ پێدانی مۆڵه‌تی شۆفێری.
له‌م به‌شه‌دا مۆڵه‌تی شۆفێری به‌و كه‌سانه‌ ده‌درێت كه‌ ده‌بێت ئه‌م مه‌رجانه‌یان تێدابێت: - 
1 بۆ ماتۆڕسكیل ده‌بێت ته‌مه‌نی (16) ساڵی ته‌واوبێت.
2 بۆ ئۆتۆمبێله‌كانی بارهه‌ڵگر یاخود گشتی ده‌بێت ته‌مه‌نی (20) ساڵ بێت.
3 بۆ شۆفێری ئۆتۆمبێله‌كانی دیكه‌ ده‌بێت ته‌مه‌نی (18) ساڵی ته‌واوكردبێت.
4 نابێت دادگا سزای دابێت به‌قه‌ده‌غه‌كردنی هاتوچۆ.
5 ده‌بێت له‌ڕووی به‌ده‌نیه‌وه‌ واته‌ ته‌ندروستی پشتگیری كرابێت، له‌لایه‌ن لیژنه‌ی پزیشكی تایبه‌تمه‌ندكراوه‌ كه‌ وه‌زاره‌تی ته‌ندروستی دایمه‌زراندوه‌.
6 ده‌بێت ده‌ربچێت له‌تاقیكردنه‌وه‌ی هونه‌ری لێخوڕینی ئۆتۆمبێل‌و یاساكانی هاتوچۆ، به‌گوێره‌ی جۆری مۆڵه‌ته‌كه‌ كه‌ مه‌به‌ستی به‌ده‌ستهێنانه‌، واته‌ فێرخوازه‌كه‌ مه‌به‌ستیه‌تی به‌ده‌ستی بهێنیت.
7 تایبه‌ته‌ به‌و مه‌رجانه‌ی داواده‌كرێت بۆ پێدانی مۆڵه‌تی شۆفێری، ئاماژه‌ به‌وه‌كراوه‌، ماوه‌ی كارپێكردنی مۆڵه‌تی شۆفێری پێنج ساڵه‌‌و دوای پێنج ساڵه‌كه‌ ده‌بێت مۆڵه‌ته‌كه‌ نوێ بكرێته‌وه‌.


شوان عه‌زیز