هیچ حاڵەتێكی تای خوێنبەربوون و ئایدزو كۆلیره‌ له‌ پارێزگاى دهۆك نییه‌

لیژنەیەكی باڵا بۆ ڕووبەرووبونەوە پێكهێنراوه‌

ئەمرۆ سێ شەممە، بەرێوەبەری گشتی تەندروستی پاریزگای دهۆك  لە كۆنگرەیەكی رۆژنامەنوسیدا رایگەیاند" هیچ حاڵەتێكی نەخۆشیەكانی تای خوێنبەربوون و ئایدزو كۆلیره‌ لە سنوری پارێزگاكە تۆمارنەكراوە.

نزار عصمت، بەرێوەبەری گشتی تەندروستی پارێزگای دهۆك لە كۆنگرە رۆژنامەنوسیەكەدا رایگەیاند" لیژنەیەكی باڵایان بۆ ڕووبەرووبونەوەی نەخۆشی تای خوینبەربون و كۆلێره‌ پیكهیناوە و هیچ حاڵەتیكی نەخۆشیەكانیان تۆمار نەكردوە.

بەرێوەبەری گشتی تەندروستی پارێزگای دهۆك وتیشى" هەرچەندە حاڵەتێكیان بۆ هاتووە كە گومانی نەخۆشی تای خوێنبەربوونی لێكراوە، بەڵام دوای پشكینی نەخۆشەكە دەركەوتوە ئەو نەخۆشیە نەبووە .