Erbil 15°C پێنجشەممە 28 ئازار 12:36

ماکرۆن: پێویستە دەستى ئێران لە عێراق و سوریا و یەمەن و لوبنان دووربخرێتەوە

ڕێگە نەدرێت ببێتە خاوەنى چەکى ئەتۆمی
کوردستان TV
100%


ماکرۆن ڕایگەیاند، پێویستە دەستى ئێران لە وڵاتانی عێراق و سوریا و یەمەن و لوبنان دووربخرێتەوە.

ئیمانوێل ماکرۆن سەرۆکى فەرەنسا لە وتارێکیدا لە کۆنگرێسی ئەمریکا ڕایگەیاند، پێویستە هەژمونى ئێران لە ناوچەى ڕۆژهەڵاتی ناوەڕاست کۆنترۆڵبکرێت و کەمبکرێتەوە و نەبێتە هۆی هەڵگیرسانى جەنگێکی گەورە.

سەبارەت بە  ڕێککەوتنە ئەتۆمییەکە، ماکرۆن وتوویەتی ، "ئامانجی ئێمە ڕوونە ئەوەیە کە ئێران هەگیز نەبێـتە خاوەنى چەکی ئەتۆمی.

ڕاشیگەیاندووە، هەر چەندە ڕێککەوتنە ئەتۆمییەکە  هەندێک کەموکورتی تیادایە بەڵام پێویست نییە هەڵوەشێنرێتەوە.

ماكڕۆن لە میانەی سەردانێكی بۆ ئەمەریكا لە دوای ئەوەی دوێنێ لەگەڵ دۆناڵد ترەمپ سەرۆكی ئەمەریكا لە كۆشكی سپی كۆبووەوە، ئەوان لەسەر ئەوە رێككەوتن كە پێویستە رێككەوتننی ئەتۆمی ئێران فرەوانتر بكرێت و دەستوەردانی ئەو وڵاتە لە كاروباری وڵاتانی ناوچەكە و پرۆگرامە مووشەكە باڵیستییەكانیشی بگرێتەوە.

لەبارەی رێككەوتننی ئەتۆمی ئێرانیش سەرۆكی فڕەنسا رایگەیاند، مەبەستەكە روونە، ئەویش پێویستە بەهیچ شێوەیەك نابێت ببێتە خاوەن چەكی ئەتۆمی، رێككەوتننی ئەتۆمی مامەڵە لەگەڵ لایەنی گرنگ ناكات و روونی كردەوە كە هەروەها ناتوانرێت رێككەوتننەكە هەڵبوەشێندرێتەوە.

 

رۆژهه‌ڵاتی ناوه‌راست

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.