وه‌رزی نوێی كوردستان تیڤی و ره‌خنه ‌له‌ سێبه‌ری تانه‌دان ...

ئه‌وانه‌ی تانه‌وه‌شێنن ره‌خنه‌گرنین ره‌خنه‌گر ئه‌وه‌یه‌ تیبینی خۆی به‌دیقه‌ته‌وه‌ ئه‌خاته‌ روو به‌زمانێكی پرۆڤیشناڵ ئه‌وه‌ی هه‌یه‌ نایشارێته‌وه‌
Thumbnail
له‌ دێروكی میدیای كوردیدا كه‌ناڵی سه‌ته‌لایتی كوردستان یه‌كه‌مین كه‌ناڵه‌ كه‌ له‌ناو با وه‌شی نیشتمانه‌وه‌ په‌خشی سه‌ته‌لایتی كرده‌وه‌ كه‌ناڵێكی سه‌نگین میانه‌گرتووبه‌ راستگۆیی وبوێری وراشكاوی ،به‌وپه‌ری به‌رپرسیارێتیی كۆمه‌ڵایه‌تی وسیاسیه‌وه‌ درێژه‌ی به‌كاروانی میدیایی داوه‌وسه‌ركه‌وتووبووه‌.
میدیای بینراوبه‌گشتی هه‌میشه‌ له‌خه‌می ئه‌پده‌یتی پرۆژه‌كانیدایه‌ به‌یه‌ك سیستم ویه‌ك ئاقاربه‌رده‌وامی وه‌رناگرێت خه‌می گه‌وره‌ی هه‌ڵسوراوانی نێو میدیا به‌گشتی ومیدیایی بینراوبه‌تایبه‌تی هه‌رئه‌وه‌یه‌ كه‌له‌لایه‌ك میانه‌یه‌كی گه‌رم وگوریان له‌گه‌ڵ بینه‌ر چێ بكه‌ن له‌لایه‌كی تر له‌ئاستی به‌رپرسیارێتی میدیایدا بن كوردستان تیڤی له‌م بواره‌شدا تاراده‌یه‌كی به‌رچاووباش سه‌نگین ولیبراوبووه‌.
ئێستاش كه‌ناڵه‌كه‌ جارێكی تربه‌ وه‌رزێكی نوێیوه‌ به‌گوروگوستاغێكی نوێوه‌ هاتۆته‌وه‌ مه‌یدان درێژه‌پێده‌ری ماوه‌ی رابردووی خۆیه‌تی لێ به‌ستایلێكی نوێوه‌ ئه‌وه‌ بۆچ سیره‌ی لێده‌گرنه‌وه‌؟ئه‌وانه‌ی سیره‌ی لێده‌گرنه‌وه‌ چما له‌روانگه‌ی میدیایه‌وه‌ ره‌خنه‌ی لێده‌گرن یان له‌به‌رشه‌واره‌ی تانه‌گرتن كه‌وتونه‌ته‌ په‌لاماردانی؟ هه‌لبه‌ت به‌شێك له‌م تانه‌ گرتنه‌ له‌قینه‌له‌دڵیه‌وه‌‌ نیه‌ ره‌نگه‌ له‌دڵسۆزیشه‌وه‌بێت به‌ڵام به‌وپه‌ری سۆزه‌وه‌ نه‌ك به‌وپه‌ری سه‌لیقه‌وه‌.
من ئه‌ومافه‌ به‌خۆم ئه‌ده‌م له‌هه‌مبه‌ر پرۆژه‌كانی كوردستان تیڤی وه‌ك چۆن ره‌خنه‌م هه‌بووه‌ وهه‌یه‌ ئاواش به‌رگری لیبكه‌م به‌رگری له‌وه‌ی كه‌ له‌ناوچه‌قی سیستمه‌كه‌دام ده‌زانم چی ده‌گوزه‌رێ و چۆنه‌؟
عیله‌تێكی سه‌یر له‌ناو ئیمه‌ باوه‌ هه‌رچی پاڵی به‌مۆدیرنه‌وه‌ دا هه‌رچی ده‌ستی به‌داهێنانه‌وه‌ گرت بێ سێ ودوو له‌سه‌ره‌تاوه‌ سیره‌ی لێده‌گرنه‌وه‌ په‌لاماری ئه‌ده‌ن تائاستی زراندن ورد ورد ئه‌یكوتن! ئه‌وه‌ بۆچ وایه‌؟
سه‌رنج بده‌ن نه‌ك هه‌ربۆ میدیا له‌ته‌واوی كایه‌كانی تریش په‌لاماری ڤیستیڤاڵه‌كان ئه‌ده‌ن له‌شكۆی دراما كه‌م ئه‌كه‌نه‌وه‌ ده‌رهێنه‌رێك بیهه‌وێت پرۆژه‌یه‌كی درامی نوێ بخاته‌ روو هه‌رزوو په‌لاماری ئه‌ده‌ن ناوی ده‌زرێنن ،هونه‌رمه‌ندیكی شێوه‌كار یان فۆتۆگرافه‌ر یان گۆرانیبێژ كه‌به‌ستایلێكی نوێوه‌ دێت به‌هه‌موو هێزی خۆیان دایئه‌شۆرن !
سه‌یره‌ سه‌یرترله‌وه‌ش ئه‌وه‌یه‌ هه‌رله‌سه‌ره‌تاوه‌ له‌نوكه‌وه‌ سه‌یری ئه‌كه‌ن تاكۆتایی چاوی بۆناتروكێنن كه‌چی له‌ملاوه‌ به‌ردی تێئه‌گرن ! دوایش له‌گه‌ڵیدا رایه‌ن په‌یتا په‌یتا هێواش هیواش ئاوێته‌ی ئه‌بن ئه‌وده‌م خۆشیان نازانن ئه‌مه‌یان له‌چی وئه‌وه‌شیان له‌چی؟
به‌شی زۆری وه‌ڵامی ئه‌م پرسیارگه‌له‌ هه‌رئه‌وه‌یه‌ ئه‌وانه‌ی تانه‌وه‌شێنن ره‌خنه‌گرنین ره‌خنه‌گر ئه‌وه‌یه‌ تیبینی خۆی به‌دیقه‌ته‌وه‌ ئه‌خاته‌ روو به‌زمانێكی پرۆڤیشناڵ ئه‌وه‌ی هه‌یه‌ نایشارێته‌وه‌ .
كوردستان تیڤی وه‌رزێكی نوێی راگه‌یاندوه‌ كورد وته‌نی هێشتا دێ نه‌گه‌یی بووبه‌ دووكه‌ڵ!هیشتا له‌ده‌ستپێكی ئه‌و وه‌رزه‌ نوییه‌دا ده‌یده‌نه‌ به‌رتیروتوانج. له‌راستیدا ره‌خنه‌گر په‌له‌ی نیه‌ چاوه‌روانی هه‌یه‌ بۆمه‌ودایه‌كی تر تاله‌نزیكه‌وه‌ به‌دیقه‌ته‌وه‌ ره‌خنه‌بگرێت، راسته‌ ئه‌م وه‌رزه‌ی كوردستان تیڤی ته‌واوی میدیایش له‌م دنیابه‌رینه‌دا له‌ئاستی ئه‌وه‌دایه‌ ره‌خنه‌ی لێبگیرێت كوردستان تیڤیش هه‌روا راسته‌ تیبینی هه‌یه‌له‌باره‌ی ئه‌م وه‌رزه‌ نوێیه‌وه‌ لێ ره‌خنه‌گری به‌دیقه‌ت چاوه‌رێیه‌ تائه‌وسه‌ری لێ دیار بێت ئه‌وجا نه‌رم نه‌رم ئاسۆی بیركردنه‌وه‌ی فراوان ده‌كات وله‌باره‌یه‌وه‌ ده‌دوێت.
سه‌رباری هه‌رره‌خنه‌و‌ سه‌رنجێك له‌م وه‌رزه‌ نوییه‌ی كوردستان تیڤی ئه‌وه‌راستیه‌ كه‌ ئه‌م وه‌رزه‌ درێژكراوه‌ی پیش خۆیه‌تی به‌ستایلێكی نوێوه‌ بۆیه‌ واباشه‌ ئه‌نجومه‌نی كارگیری وبه‌رپرسی یه‌كه‌می ئه‌م كه‌ناڵه‌ سه‌نگینه‌مان سه‌رنج له‌ره‌خنه‌ی جه‌وهه‌ری وریشه‌یی بده‌ن نه‌ك ته‌ناوپه‌لاماردانه‌كان چونكه‌ به‌تیپه‌رینی كات تانه‌لێده‌ره‌كان له‌گه‌ڵی وه‌زری نوێی روونماكه‌ رادێن ئاوێته‌ی ئه‌بن.
چاوه‌رێین بزانین وه‌رزی نوێی كوردستان تیڤی چ داهێنانێكی نوێ به‌رپائه‌كات .