یه‌كه‌م رۆژی مانگی ره‌مه‌زان ده‌كه‌وێته‌ چ به‌روارێك و كه‌شوهه‌وا له‌و مانگه‌دا چۆن ده‌بێ ؟

له‌گه‌ڵ نزیك بوونه‌وه‌ی مانگی ره‌مه‌زان خه‌ڵكێكی زۆر به‌دوای ئه‌وه‌ن كه‌ ئایا مانگی ره‌مه‌زان ده‌كه‌وێته‌ چ واده‌یه‌ك.

له‌و باره‌یه‌وه‌ پسپۆرانی بواری فه‌له‌كناسی جه‌خیتان كردۆته‌وه‌ كه‌ واده‌ی یه‌كه‌م رۆژی مانگی ره‌مه‌زانی ساڵی 2022 و یه‌كه‌م رۆژی مانگی ره‌مه‌زان بۆ ساڵی كۆچی 1443 ، ده‌كه‌وێته‌ رۆژی شه‌ممه‌ 2/4/2022.

له‌باره‌ی كه‌شو هه‌وای مانگه‌كه‌وه‌ ماڵپه‌ڕی ئه‌كواویزه‌ری ئه‌مریكی كه‌ تایبه‌ت به‌  زانینی كه‌شوهه‌وای جیهان، پێشبینی كردووه‌ كه‌ پله‌كانی گه‌رما له‌و مانگه‌دا له‌ نێوان 21 پله‌ی گه‌رمی تا 28 پله‌ی گه‌رمی ده‌بێت، كه‌واته‌ مانگه‌كه‌، مانگێكی فێنك ده‌بێ .