سووریا.. بنکەیەکی سەربازیی ئەمریکی بە 4 مووشەک کرایە ئامانج


شه‌وی رابردوو، بە گوێرەی روانگەی سووری بۆ مافەکانی مرۆڤ، کێڵگەی کۆنیکۆ لە رۆژهەڵاتی سووریا کە هێزەکانی ئەمریکا و هاوپەیمانی نێودەوڵەتی وەک بنکەی سەربازیی بەکاری دێنن بە 4 مووشەک کرایە ئامانج.
روانگەکە ئەوەشی زیاد کرد، مووشەکان لە ناوچەکانی ژێر کۆنترۆڵی رژێمی سووریا و میلیشیاکانی سەر بە ئێران لە گوندەوارەکانی دێرازوورەوە تەقێندراون، هاوکات فڕۆکەی بێفڕۆکەوانی سەر بە هێزەکانی ئەمریکا بەشێوەیەکی چڕ بە ئاسمانی ناوچەکە  سووراونه‌ته‌وه‌.