له‌ هه‌ولێر ڕووداوێكی هاتوچۆ پێكدادانی 9 ئۆتۆمبێلی لێ كه‌وته‌وه‌

 

نیوه‌ڕۆی ئه‌مڕۆ پێنجشه‌م له‌ ئه‌نجامی ڕووداوێكی هاتوچۆ له‌ شاری هه‌ولێر 9 ئۆتۆمبێل به‌ریه‌ك كه‌وتن.

فازڵ حاجی گوته‌بێژی به‌ڕێوه‌به‌رایه‌تی هاتوچۆی هه‌ولێر ئاشكرای كرد: ئه‌مڕۆ له‌سه‌ر شه‌قامی 60 مه‌تری كاتژمێر 12ی نیوه‌ڕۆ له‌نێو ئه‌نده‌ر پاسی دارایی، ڕووداوێكی هاتوچۆ ڕووی دا و به‌هۆیه‌وه‌ 9 ئۆتۆمبێل به‌ریه‌ك كه‌وتن.

گوته‌بێژه‌كه‌ی هاتوچۆی هه‌ولێر ڕاشیگه‌یاند: ڕووداوه‌كه‌ ده‌گمه‌ن و كه‌موێنه‌یه‌ هۆكاره‌كه‌شی خێرایی زۆر و نەهێشتنەوەی ماوەی بێوەیی پێویست بووه‌.

جه‌ختیشی كرده‌وه‌ كه‌ له‌ ئه‌نجامی ڕووداوه‌كه‌ سوپاس بۆخوا زیانی گیانی نەبوو، بەلام زیانێكی زۆری ماددی هەبوو.

 

jpg_1.jpg
jpg_2.jpg
jpg_3.jpg
jpg_4.jpg
jpg_5.jpg