دەمامکێک بە بڕی 1.5 ملیۆن دۆلار فرۆشرا

 

دەمامکێک بۆ خۆپاراستن لە ڤایرۆسی کۆڕۆنا بە بڕی 1.5 ملیۆن دۆلار فرۆشرا کە لەلایەن کۆمپانیایێکی جیهانییەوە لە پێشانگای ناوازەی ڕیازەوە نمایش کرا.

دەمامکەکە لە ئەڵماس دروستکراوە و لەلایەن کۆمپانیایەکی جیهانییەوە بەرهەمهێنراوە و لە پێشانگای ناوازەی ڕیاز نمایش کراوە.

بەرهەمهێنەری دەمامکەکە ئاشکرای دەکات کە دەمامکەکە بەتەواوی کاری خۆی جێبەجێ دەکات و تەندروستە، هەروەها یارمەتی ڕێگریکردن لە تووشبوون بە کۆڕۆنا دەدات و لەلایەن بەڕێوەبەرایەتی خۆراک و دەرمانی ئەمریکییەوە پەسەند کراوە.

بەپێی هەواڵێکی گۆڤاری فۆربس دروستکردنی دەمامکەکە ماوەی 9  مانگی خایاند، بە بەشداری دیزاینەرێک و 25 گەوهەر کە لەلایەن بازرگانێکی چینی دانیشتووی ویلایەتە یەکگرتووەکانی ئەمریکاوە خاوەندارێتی دەکرێت و داوای دروستکردنی کراوە.

دروستکەری دەمامکەکە دەڵێت: پارە لەوانەیە هەموو شتێک نەکڕێت، بەڵام جێگەی دڵخۆشییە بتوانیت دەمامکێکی گرانبەها بۆ خۆپاراستن لە کۆڕۆنا بکڕیت و سەرنجی خەڵکی پێ ڕابکێشیت.