تۆپخانه‌كانی ئێران سنوری سیده‌كان تۆپباران ده‌كات


 سەر لەبەیانی ئەمڕۆ 9/9/2021، تۆپخانەکانی ئێران بۆ ماوەی نزیکه‌ی یەک کاتژمێر بە چڕی گوندی تەلان و کوێستانەکانی بەربزین و بن رەشکینیان لە سیده‌كان تۆپباران کرد.
بەپێی زانیاریەکانی کوردستان تیڤی،  لەگوندی تەلان  پێنج موشەک و دڕۆن ئاراستەی بنکەکانی حزبی دیموکراتی کوردستانی ئێران کراون و دوو خانووش بەتەواوی ڕوخاون .

ئیحسان چەلەبی، بەڕێوەبەری ناحیەی سیدەکان بە کوردستان تیڤی رایگەیاند:  تۆپبارانەکە لە نزیک گوندو ئاواییه‌كانی ناوچەکە بووە.

سەبارەت بە زیانەکانی تۆپبارانەکە بەڕێوەبەری ناحیەی سیدەکان ڕایگەیاند : تا ئێستا زیانەکانی تۆپبارانه‌كه‌ نەزانراون  ، بەڵام زیانی ماڵی بەکەرتی کشتوکال و گوند نشینان گەیشتووە وترس ودڵەڕاوکێی زۆریش بۆ ھاولاتیان دروست بووه‌.