جاکی شان خەڵاتی (143) هەزار دۆلار ده‌به‌خشێت

بۆ ئه‌و كه‌سه‌ی ڤایرۆسی كۆرۆنا له‌ناوببات


زیاتر لە دوو مانگە ڤایرۆسی کۆرۆنا چینی گرتوەتەوە و نزیکەی (813) کەس بەهۆیەوە گیانیان لەدەستداوە.
 
له‌م باره‌یه‌وه‌ ئەستێرەی ناسراوی بواری نواندن، جاکی شان خەڵاتی (143) هەزار دۆلار بۆ ئەو کەسە دادەنێت کە کوتانی تایبەت بە نەخۆشی ڤایرۆسی کۆرۆنا بدۆزێتەوە، کە زیاتر لە دوو مانگە چینی گرتوەتەوە و نزیکەی (800) کەس بەهۆیەوە گیانیان لەدەستداوە.

جاکی شان رایگه‌یاندووه‌ نامەوێت شەقامەکانی چین بە چۆڵی ببینم، شاری گەشاوە و پڕ لە جوڵە و دوور لە دوودڵی و نیگەرانیم دەوێت، کە چێژ لە ژیان ببینن.

لیژنەی تەندروستیی نیشتمانی چین لەبەیاننامەیەكدا بڵاویكردوەتەوە، قوربانیانی كۆرۆنا بەردەوامە لە بەرزبونەوەو ژمارەی ئەو كەسانەی گیانیان لەدەستداوە گەیشتوەتە 813 كەس، كۆی گشتی توشبوانیش 37 هەزار و 198 كەسن.