له‌ ساڵیادی كۆچی دوایی ئه‌بوسه‌باح دا

له‌ ٢٩/١/٢٠٠١ رۆژێكی وه‌ك ئه‌ورۆ دڵه‌ گه‌وره‌كه‌ی به‌ یه‌كجاری له‌ لێدان وه‌ستا

-محیه‌دین تاھیر عه‌بدولكه‌ریم ناسراو به‌ ئه‌بوسه‌باح له‌١٩٣٤ له‌ گوندی وه‌رێ - بێتواته‌ له‌دایك بووه‌.

-له‌دوای مردنی باوكی له‌گه‌ڵ خوشكی دێنه‌ ھه‌ولێر -گه‌ره‌كی خانه‌قا.

- سه‌ره‌تای ژیانی وه‌ك جارده‌ری فیلمه‌ سینه‌ماییه‌كان ده‌ست پێده‌كات،له‌ سینه‌مای حه‌مرا یه‌كه‌م كاری ھونه‌ر ی جارده‌ری ده‌ست پێ ده‌كا زۆر به‌ لێھاتوویی.

-له‌ ١٩٥٣ په‌یوه‌ندی به‌ ستۆدیۆی كه‌ماله‌ كه‌ڕ ده‌كات كه‌ داینه‌مۆكه‌ی مامۆستا جه‌مال داوود بوو،له‌وێ ئه‌بوسه‌باح ده‌كرێته‌ یه‌كه‌م وێنه‌گری گه‌ڕۆك، به‌زانستیانه‌و ھونه‌ریانه‌ فێری وێنه‌گری ده‌بێت .

-وێنه‌ی خێزانی و ئاھه‌نگ و مه‌ولودو چالاكی تر ئه‌بوسه‌باح ده‌یگرتن .

-مالی ئه‌بوسه‌باح په‌ناگه‌ی ته‌نزیماتی ناوخۆی شۆرشی ئه‌یلول بوو،فیلم و وێنه‌ی پئشمه‌رگه‌ له‌ مالی ئه‌وان ئالوگۆڕ ده‌كرا دوای چاپكردن له‌ ستۆدیۆ كه‌ماله‌ كه‌ڕ.

- چه‌ندین جار سه‌ركێشی كردووه‌ تا له‌ به‌غدا سه‌باحی گۆرانیبێژی لوبنانی ببینێ و وێنه‌ی له‌گه‌ل بگرێ چونكه‌ ھه‌واداری ده‌نگی بوو،زۆریش خۆشی ده‌ویست له‌رێی فیلمه‌ سینه‌ماییه‌كان .

- ١٩٧٤ په‌یوه‌ندی به‌ شۆرشه‌وه‌ ده‌كات و ستۆدیۆی له‌ چۆمان ده‌كاته‌وه‌ ، پاش نسكۆ ئاواره‌ی ئێران ده‌بێ تا سالی ١٩٧٧ دوا ساته‌كانی له‌ شاری شیراز ده‌گیرسێته‌وه‌ وه‌له‌ رێوره‌سمێكی شایسته‌دا به‌ڕێی ده‌كه‌ن.

-له‌ ھه‌شتاكان له‌ ئه‌متندارێتی رۆشنبیری و لاوان بو وێنه‌گر داده‌مه‌زرێ.

- دواتر له‌ ب. رۆشنبیری ھه‌ولێر ده‌كرێته‌ به‌رپرسی مۆله‌تی وێنه‌گران به‌ ھاوكاری من و محمد ئۆسكار به‌ تاقیكردنه‌وه‌ی تیۆری و پراكتیك مۆله‌تی وێنه‌گران ده‌درا.

- ماوه‌یه‌ك ستۆدیۆیی به‌ناوی سه‌باح لای سینه‌مای سیروان دانا.

- ١٩٨٧ خه‌ڵاتی یه‌كه‌م له‌ ته‌وه‌ری گه‌شتیاریی له‌ سه‌ر ئاستی ئێراق به‌ده‌ست دێنێ.

- چه‌ندین ساڵ ئه‌ندام و سه‌رۆكی كۆمه‌له‌ی وێنه‌گرانی عێراقی و یه‌كێتی وێنه‌گرانی كوردستان لقی ھه‌ولێر بووه‌.

-١٩٩٩ بۆته‌ ئه‌ندام له‌ گرووپی ٤ی فۆتۆگرافی و له‌ یه‌كه‌م پیشانگای گروپ به‌شدار ده‌بێت .

- ٢٠٠٠ وه‌زاره‌تی رۆشنبیری رێوره‌سمێكی رێزلێنانی بۆ ده‌كات بۆ ئه‌زموونی و خه‌باتی نیشتمان په‌روه‌رییه‌كه‌ی.

- له‌ ٢٩/١/٢٠٠١ رۆژێكی وه‌ك ئه‌ورۆ دڵه‌ گه‌وره‌كه‌ی به‌ یه‌كجاری له‌ لێدان وه‌ستا و له‌ گۆرستانی شێخ ئۆمه‌ر به‌ ئاماده‌بوونی جه‌ماوه‌رێكی زۆر به‌خاك سپێردرا.

یادت به‌خێر ئه‌ی پیاوه‌ پاك و جوانه‌كه‌ی ھه‌ولێر ...رۆحت شاد و ئارام.

ن /  فارس سه‌عدی

كوردستان تیڤی/ كامران

 Ktv