نووسینگه‌ی سه‌رۆكوه‌زیرانی عێراق و رێكخه‌رانی خۆپیشاندانه‌كان رێككه‌وتوون

ناوچه‌ی سه‌وز به‌غدا به‌ڕووی هاتوچۆدا كرایه‌وه‌

ئاژانسی هه‌واڵیی عێراقییه‌ له‌ هه‌واڵێكی به‌په‌له‌دا بڵاویكرده‌وه‌ كه‌ به‌یانی ئه‌مڕۆ سێشه‌ممه‌ دوای سه‌ركه‌وتنی دانوستانه‌كانی نێوان نووسینگه‌ی سه‌رۆكوه‌زیران، عادل عه‌بدولمه‌هدی و خۆپیشانده‌ران هه‌روه‌ها ده‌ستكردن به‌ جێبه‌جێكردنی داواكارییه‌ راوه‌كانی خۆپیشانده‌ران، دووباره‌ ناوچه‌ی سه‌وز به‌ رووی هاتووچۆدا كراویه‌وه‌.

ئاماژه‌ به‌وه‌یشكراوه‌ كه‌ سه‌ركۆماری عێراق، به‌رهه‌م ئه‌حمه‌د ساڵح و سه‌رۆكی ئه‌نجوومه‌نی نوێنه‌ران، محه‌مه‌د حه‌لبوسی له‌گه‌ڵ لیژنه‌كانی ئه‌نجوومه‌نی نوێنه‌ران هه‌وڵه‌كانیان زیاتر چڕكردووه‌ته‌وه‌ به‌ ئامانجی هێوركردنه‌وه‌ و سه‌قامگیری ره‌وشه‌كه‌.

له‌لایه‌كی دیكه‌وه‌ نووسینگه‌ی سه‌رۆكوه‌زیرانی عێراق رایگه‌یاند كه‌ له‌گه‌ڵ رێكخه‌رانی خۆپیشاندانه‌كان رێككه‌وتوون له‌سه‌ر هه‌ڵپه‌ساردنی خۆپیشاندانه‌كان تا ئه‌و كاته‌ی رێوڕه‌سمی چله‌ی ئیمام حوسێن كۆتایی دێت.