پلانی عادل عه‌بدولمه‌هدی بۆ دۆخی ئێستای عێراق ئاشكرا كرا

به‌رپرس نییه‌ له‌و كه‌موكوڕییانه‌ی له‌ حكومه‌ته‌كانی رابردوودا هه‌بووه‌

به‌گوێره‌ی هه‌واڵێكی ماڵپه‌ری سۆمه‌رییه‌ نیوز كه‌ له‌سه‌رچاوه‌یه‌كی به‌رپرس گواستویه‌تییه‌وه‌ پلانی عادل عه‌بدولمه‌هدی، سه‌رۆك وه‌زیرانی عێراق سه‌باره‌ت به‌ خۆپیشاندانه‌كانی به‌غداو ژماره‌یه‌ك پارێزگای عێراق ئاشكرا كراوه‌و كاری له‌سه‌ر ده‌كرێت.

سه‌رچاوه‌كه‌ ده‌ڵێت: عادل عه‌بدولمه‌هدی به‌یارمه‌تی چه‌ند یاریده‌ده‌رێكی سه‌رپه‌رشتی ئه‌و پلانه‌ ده‌كات كه‌ خۆی له‌كه‌مكردنه‌وه‌ی ژماره‌ی وه‌زاره‌ته‌كان و پێكهێنانی دادگایه‌كی باڵا به‌ ده‌سه‌ڵاتێكی فراوانی تایبه‌ت به‌ كێشه‌ی گه‌نده‌ڵی و ره‌وانه‌كردنیان بۆ به‌رده‌م ئه‌نجومه‌نی دادوه‌ری ده‌گرێت.

هه‌روه‌ها پلانه‌كه‌ پڕۆگرامێكی نیشتمانی بۆ نه‌هێشتنی هه‌ژاری و بێكاری له‌خۆ ده‌گرێت كه‌ به‌چه‌ند هه‌نگاوێك ده‌بێت، گرنگترینیان ته‌رخانكردنی زه‌وی نیشته‌جێكردن و پێدانی قه‌رزی مامناوه‌ند و بچووكه‌، هه‌روه‌ها هه‌مواركردنه‌وه‌ی ماوه‌ی ته‌مه‌نی خانه‌نشینی و دامه‌زراندنی گه‌نجان له‌شوێنی ئه‌وان.

سه‌رچاوه‌كه‌ گوتیشی: عادل عه‌بدولمه‌هدی له‌كاتی ئێستادا هه‌ر ئه‌وه‌ندی له‌توانادایه‌ بیكات، چونكه‌ ئه‌و به‌رپرس نییه‌ له‌و كه‌موكوڕییانه‌ی له‌ حكومه‌ته‌كانی رابردوودا هه‌بووه‌، بۆیه‌ ناكرێت ناوبراو له‌لایه‌ن شه‌قام و كوتله‌ سیاسییه‌كانه‌ تۆمه‌تبار بكرێت.

وه‌رگێڕان و داڕشتنه‌وه‌ی / رزگار