سیاوچه‌مانه‌ بێژی ناوچه‌ی هه‌ورامان (حه‌مه‌ ئه‌مین خواشتی) كۆچی دوایی كرد

خزمه‌تی زۆری به‌ هونه‌ری فولكلۆری مۆسیقاو گۆرانی كوردی كردووه‌

شه‌وی رابردوو هونه‌رمه‌ندی ناوداری ناوچه‌ی هه‌ورامان و شاری سنه‌ فولكلۆر بێژو سیاوچه‌مانه‌ بێژ، مامۆستا (موحه‌مه‌د ئه‌مین قادری) ناسراو به‌ (حه‌مه‌ ئه‌مین خواشتی) ماڵئاوایی له‌ ژیان كرد.

 نیاز وایه‌ هه‌رئه‌مڕۆ ته‌رمی ئه‌م هونه‌رمه‌نده‌ له‌ به‌شی هونه‌رمه‌ندانی گۆڕستانی به‌هه‌شت موحه‌مه‌دی شاری سنه‌ به‌ خاك ده‌سپێردرێت.

 شایانی باسه‌ حه‌مه‌ ئه‌مین خواشتی ساڵانێكی زۆره‌ له‌ بواری وتنی گۆرانی كوردی، سیاوچه‌مانه‌و هوره‌ چاڵاكی فه‌رهه‌نگی ده‌كات و خزمه‌تی زۆری به‌ هونه‌ری فولكلۆری مۆسیقاو گۆرانی كوردی كردووه‌.

سه‌رچاوه‌/ ئاژانسه‌كان

كوردستان تیڤی/ كامران