کۆمپانیایەکی فڕۆکەوانی تکتی هەرزانی فڕۆکە بۆ هەژاران دەستەبەر دەکات

بەمەش ژمارەی گەشتیارانی فڕۆکە بە رێژەی له‌سه‌دا 20 زیاد دەبێت

کۆمپانیای ئەفیۆنتیریرێزی ئیتاڵی جۆرە کورسییەکی نوێی فڕۆکەی لە پێشانگای ئاسمانیی پاریس نمایش کردووە. 

کورسییەکان بەشێوەیەکی تەسکتر و سادەتر لە کورسییە ئاساییەکان دروست کراون و بەمەش ژمارەی گەشتیارانی فڕۆکە بە رێژەی له‌سه‌دا 20 زیاد دەبێت و تکتی فڕۆکەی گەشتکردن بە دانیشتن لەسەر ئەو کورسییانەش هەرزان دەبێت. 

کورسییەکە ناوی سکای ریدەر دوو پۆینت سفری لێنراوە و کێشی سووکترە لە کورسییە ئاساییەکان، داهاتێکی زیاتر بۆ کۆمپانیا گەشتیارییەکان دەستەبەر دەکات، چونکە دەتوانن گەشتیاری زیاتر و کەلوپەلی زیاتر بگوازنەوە.