به‌هۆی وێنه‌ی سێڵڤییه‌وه‌ سه‌در چیدیكه‌ ئاماده‌ی وتاری هه‌ینی نابێت

كه‌سێكی نزیكی ئاشكرای كردووه‌

ساڵح محه‌مه‌د عێراقی، كه‌سێكی نزیك له‌ موقته‌دا سه‌در، رابه‌ری ره‌وتی سه‌در ئاشكرای كردووه‌ كه‌ سه‌در بریاریداوه‌  كه‌ له‌ ئێستاوه‌ چیدیكه‌ له‌گه‌ڵ لایه‌نگرانی به‌شداری له‌ وتاری هه‌ینیدا نه‌كات.

هه‌روه‌ها عێراقی گوتی: به‌هۆی هه‌ندێك ره‌فتاری نامه‌سئولانه‌ كه‌ هه‌ندێك كه‌س واده‌بینن كه‌ ئه‌مه‌ هێمای عه‌شق و خۆشه‌ویستییه‌، وه‌ك ئه‌وه‌ی له‌لایه‌ن هه‌ندێك كه‌سه‌وه‌ له‌ مزگه‌وتی كوفه‌ له‌كاتی بوونی سه‌در له‌و مزگه‌وته‌ روویدا، وه‌ك پیرۆز كردن و ماچكردنی مینبه‌رو وێنه‌ی سێڵڤی له‌گه‌ڵ سه‌درو گوێ نه‌گرتن له‌ ئیمام و وێنه‌گرتنی سه‌در به‌بێ ئیزنی خۆی و ئاماده‌بوون له‌ پێناو سه‌در نه‌وه‌ك له‌ پێناوی خۆیان، بۆیه‌ موقته‌دا سه‌در بریاریداوه‌ چیدیكه‌ ئاماده‌ی وتاری هه‌ینی نابێت.

گوتیشی: سه‌در هه‌وڵ ده‌دات له‌كاتی نوێژی هه‌ینی سه‌فه‌ر بكات بۆ ئه‌وه‌ی واجیبه‌ شه‌رعییه‌كه‌ی له‌سه‌ر لابچێت، چونكه‌ ئاماده‌بوونی له‌ نوێژی هه‌ینی زیانێكی شه‌رعی له‌سه‌ر ئاماده‌بووان دروست ده‌كات.

وه‌رگێڕان و داڕشتنه‌وه‌ی / رزگار

سه‌رچاوه‌ /پێگه‌ی ته‌سریبات نیوز