ته‌رمی كچێكی ته‌مه‌ن 23 ساڵان دۆزرایه‌وه‌

تاقانه‌ی بنه‌ماڵه‌كه‌ی بووه‌

به‌ پێی هه‌والچێكی ڕێكخراوی مافی مرۆڤی هه‌نگاو ته‌رمی كچێكی گه‌نج كه‌ به‌ ده‌ستی كه‌سانی نه‌ناسراو كوژراوه‌، له‌ شاری مه‌ریوان دۆزرایه‌وه‌.

به‌ پێی هه‌واڵه‌كه‌ ڕۆژژی شه‌ممه‌ 11/5/2019 ته‌رمی كچێكی گه‌نج له‌ مه‌ریوان دۆزرایه‌وه‌ و دواتر ڕه‌وانه‌ی پزیشكی دادوه‌ری ئه‌و شاره‌ كراوه‌.

به‌ پێی زانیارییه‌كان كچه‌كه‌ ته‌مه‌نی 23 ساڵه‌ و ناوی "نه‌رمین وه‌ته‌نیه‌"  و ته‌نیا كچی بنه‌ماڵه‌كه‌ی بووه‌ له‌لایه‌ن كه‌سانی نه‌ناسراو كوژراوه‌.

دوای توێكاری بۆی، ته‌رمه‌كه‌ی له‌ گۆڕستانی ئاوایی كۆڵان نێژراوه‌ و سه‌رچاوه‌یه‌ك له‌م باره‌وه‌ ڕایگه‌یاندووه‌ به‌هۆی ئه‌وه‌ی نه‌رمین توشبووی مادده‌ی هۆشبه‌ر بووه‌ و دایك و باوكی به‌ساڵاچوون، هه‌تا ئێستا هیچ كه‌س به‌دواداچوونی بۆ نه‌كردووه‌.