كه‌نعانی تابلۆكانی نمایشده‌كات

3 هه‌فته‌ به‌رده‌وام ده‌بێت


لە ژێر ناوی " دارستان "  پێشانگای نیگاركێشی هونەرمەندی كورد   “سیروان كەنعانی “ لە شاری سمنانی ناوەندی ئێران ده‌كرێته‌وه‌  .

ئەم پێشانگایە لە گەلەری دانژە لە شاری سمنان لە ناوەندی ئێران نمایش دەكرێت و تێیدا بەرهەمە هونەرییەكانی ئەم هونەرمەندە كوردە پێشانی بینەران دەدرێت و پێشانگاكه‌ش بۆ ماوه‌ی 3 هه‌فته‌ به‌رده‌وام ده‌بێت .

سه‌رجه‌م تابلۆكانی ئه‌م نیگاركێشه‌ بە ناوەڕۆكی دارو دارستان بە ستایلێكی مۆدێرن كێشراون ، " سیروان كەنعانی " لە دایكبووی شاری سنەیە و تاكوو ئێستا چەندین پێشانگای نیگاركێشی لە ئاستی شارە گەورەكانی ئێران بەڕێوە بردووە .

ئەم پێشانگایە ڕۆژی پێنج شەممە دەكرێتەوە و بۆ ماوه‌ی سێ‌ هەفتە بەردەوام دەبێت .