محه‌مه‌د به‌ده‌وی ده‌سوقی، ئه‌ندامی ئه‌نجومه‌نی نوێنه‌رانی میسر له‌كاتی ئاهه‌نگی هاوسه‌رگیری كچه‌كه‌ی گیانی له‌ده‌ستدا.

له‌مباره‌یه‌وه‌ یه‌كێك له‌به‌شداربووانی ئاهه‌نگه‌كه‌ گوتی: دره‌نگانی شه‌وی رابردوو له‌پڕ ده‌سوقی له‌كاتی ئاهه‌نگی هاوسه‌رگیری كچه‌كه‌ی له‌هوڵی قاهیره‌ له‌هوتێل نایل ریتز ، تووشی جه‌ڵته‌ی دڵ بوویه‌وه‌و به‌رله‌وه‌ی ئۆتۆمبێڵی ئه‌مبولانس بگاته‌ شوێنه‌كه‌ ، ناوبراو گیانی له‌ده‌ستدا.

شایانی باسه‌ له‌ئاهه‌نگه‌كه‌دا ژماره‌یه‌كی زۆر له‌ پیاوانی خاوه‌ن كارو به‌رپرسان و سیاسییه‌كان ئاماده‌ببوون، به‌ڵام رووداوه‌كه‌ هه‌ردوو خێزانی بووك و زاوای ناچار كرد ئاهه‌نگه‌كه‌ هه‌ڵبوه‌شێننه‌وه‌.

وه‌رگێڕان و داڕشتنه‌وه‌ی / رزگار

سه‌رچاوه‌ / میدیای میسر