به‌ هۆی كێشه‌یه‌كی خێزانیه‌وه‌ كچ و كوڕێك كۆتاییان به‌ ژیانی خۆیان هێنا

ته‌مه‌نیان له‌ نێوان (12-15) ساڵیدایه‌

كچو كوڕێكی هه‌رزه‌كار به‌هۆی كێشه‌ی خێزانییه‌وه‌ له‌ ڕێگه‌ خۆهه‌لواسینه‌وه‌ به‌ په‌ت كۆتاییان به‌ ژیانی خۆیان هێنا.

له‌مباره‌یه‌وه‌ ڕێكخراوی مافی مرۆڤی هه‌نگاو ڕایگه‌یاندووه‌، ڕۆژی سێشه‌ممه‌ له‌ شاری سه‌قزی ڕۆژهه‌ڵاتی كوردستان كوڕێكی ته‌مه‌ن 15 ساڵ به‌ ناوی " هادی سه‌مه‌دیان" به‌هۆی كێشه‌ی له‌گه‌ڵ خانه‌واده‌كه‌ی له‌ ڕێگه‌ی خۆهه‌ڵواسینه‌وه‌ كۆتایی به‌ ژیانی خۆی هێنا.

له‌ لایه‌كی دیكه‌وه‌ كچێكی ته‌مه‌ن 12 ساڵان به‌ ناوی " ئیلاهه‌ ڕه‌حیمی" كه‌ خه‌ڵكی گوندی كانی به‌ندی سسه‌ر به‌ شاری سه‌قزه‌ به‌ هۆی كێشه‌ی خێزانییه‌وه‌ له‌ ڕێگه‌ی خۆهه‌ڵواسینه‌وه‌ كۆتایی به‌ ژیانی خۆی هێناوه‌.