Erbil 15°C ھەینی 29 ئازار 18:50

کاریگەریێن ئیدارەبوونا زاخۆ

زاخۆ.. مێردمنداڵێكی 12 ساڵ له‌ كاتی كاركردن له‌ناو بێستانێك كوژرا
شەیما مستەفا
100%

شەیما مستەفا
سالەک لسەر دەست بکاربوونا ئیدارەیا سەربخۆیا زاخۆ دەرباز دبیت، ھەلبەت بڕیارا ئیدارەیا سەربخۆیا زاخۆ ئاکو ژلایێ مەسروور بارزانی بارزانی سەرۆکێ حوکمەتا ھەرێما کوردستانێ ڤە ھاتیە دەرکرن، دەستکەفتەک مەزنە ژبۆی خەڵکێ دەڤەرا زاخۆ بگشتی، ژبەرکو د دیرۆکا عێراقێ دا زاخۆ پێگەھەکێ سیاسی و کۆمەڵایەتی و ئابوریێ گرنگ ھەیە و 150 سالن زاخۆ ب فەرمی بویە قەزا، گرنگی دانا حوکمەتا ھەرێما کوردستانێ ب دەڤەرا زاخۆ بۆ دو ئەگەران ڤەدگەڕیت یا ئێکێ،  بۆ ئەڤی پێگەھێ گرنگێ سیاسی و ئابوری و کۆمەلایەتی  یا دویێ ژی، بجە ئینانا خواستێن خەلکێ زاخۆیە، چونکە د ھەموو شۆرش و سەرھەلدانێن کوردی زاخۆ ل پێشیا وان دەڤەران بوویە یێن پشکداری د بزاڤا رزگاری خوازا کوردی کریە و دیرۆکا سەد سالێن بۆری یا زاخۆ شاھدە ژبۆی ڤێ قوربانی دان و خەباتا خەلکێ زاخۆ پێشکەشی کوردایەتیێ کریە، وەک بەرسیڤەک بۆ وان خواستێن خەلکێ زاخۆ ھەنە، سالەکێ بەریا نوکە بڕیارا ئیدارەیا سەربخۆیا زاخۆ ژلایێ سەرۆکێ حوکمەتا ھەرێما کوردستانێ ھاتە دەرکرن و بەردەوام زاخۆیی دبێژن مە زۆر کریە و کێم بەر زاخۆ کەفتیە، بەلێ دەرکرنا بڕیارا ئیدارەیا سەربخۆیا زاخۆ ئەگەر ھەمووژی نەبیت، لێ پشکەکا داخوازیێن خەلکێ دەڤەرێ دێ بھێنە بجە ئینان، کو سەرکردایەتیا کوردی و سەرۆک بارزانی بازرانی ب خوە شاھدیێ بۆ قەھرەمانیا خەلکێ زاخۆ ددەن.
ھەبوونا ئیدارەکا سەربخۆ تنێ بڕیارەک ئیداری نینە بۆ ڤەکرنا ھژمارەک فەرمانگەھێن حوکمەتێ و دانانا چەند کەسەکا وەک فەرمانبەر بۆ رێڤەبرنا ئیدارەیا سەربخۆیا زاخۆ، بەرۆڤاژی چەندی ژلایێ مەعنەوی بڕیارا ئیدارەیا سەربخۆ گرنگی ھەیە، ژلایێ خزمەت گوزاریانژی زێدەتر گرنگیا خوە ھەیە، ئەز باوەرم بڕیارا ئیدارەیا سەر بخۆ دێ پێگەھێ زاخۆ بۆ قەبارەیەکێ زۆر زێدەتر بلند کەت، ژبەرکو ئەگەر ئەم ژلایێ خزمەت گوزاری بەرێ خوە بدەینە زاخۆ پشتی دەست بکاربوونا ئیدارەیا سەرخۆیا زاخۆ 115 پڕۆژەیێن خزمەت گوزاری کەفتینە بیاڤێ بجە ئینانێ دا، ئەڤەژی ھژمارەکا کێم نینە بۆ زاخۆ ددەمێ سالەکێ دا سەرەڕای ئەڤان ھەموو قەیرانێن ھەرێما کوردستانێ ھەنە،  ھەروەسا ژلایێ سیاسی و کارگێڕی ڤە زاخۆ راستەوخۆ ب سەرۆکایەتیا جڤاتا وەزیران ھاتیە گرێدان و وەک پارێزگەھەک سەرەدەری دگەل ئیدارەیا سەربخۆیا زاخۆ دھێتەکرن، ڤەکرنا ھژمارەک رێڤەبەرایەتیێن گشتی دێ کاریگەری لسەر بیاڤێ کارگێڕی ھەبیت و ئیدی وەلاتی ھەر ل زاخۆ دێ شێن کارۆبارێن خوە بڕێڤەببەن.
 دانانا ستافەکێ کارا بۆ ئیدارەدانا زاخۆ پێنگاڤەک ھەژیە و جھێ رازیبوونا وەلاتیێن زاخۆیە، بتایبەتی دلسۆزی و وەستیانا گۆھدار شێخۆ وەک سەرپەرشتێ ئیدارا سەربخۆیا زاخۆ رەنگڤەدان ھەبوویە لسەر رێڤەبرنا ھەموو کەرت و بیاڤێن ئیداری رێکخستنەڤا زاخۆ د ھەموو واراندا، سەرپەرشتێ ئیدارێ بخوە ئێکە ژوان کەسێن ھەرە ماندی و دلسۆزێن زاخۆ، ئینانە پێشا کەسێن گەنج نموونا سەرکەفتنێ یە بۆ حوکمەتا ھەرێما کوردستانێ و زۆر جارا بەرپرسێ ئێکێ ب ھاریکاری و بودجەیەکێ  زۆر کێم خزمەتێن مەزن پێشکەش دکەت، پشتی سالەکێ دەست بکاربوونا سەرپەرشتێ ئیدارا زاخۆ خویابو ھەبوونا کەسێن دلسۆز چەند یا گرنگە بۆ رێڤەبرن و ئیدارەدانا حوکمەتێ، چەند بودجە بۆ زاخۆ بھێتە مەزاختن و چەندی بڕیارێن گرینگ ھەبن ئەگەر کەسێن دلسۆز نەبن ل ئیدارەدانا زاخۆ جھێ خوە ناگریت، زاخۆیا ئەڤرۆ زۆر جودایە ل زاخۆیا بەری ئیدارەیا سەربخۆ لسەر ئاستێن بلند ھەموو داخوازیێن خەلکێ زاخۆ بەرچاف دھێنە وەرگرتن و سەرەڕای دەست خۆشیێ بۆ سەرۆکێ حوکمەتێ و ستافێ رێڤەبرنا ئیدارا زاخۆ بۆ ئەڤان بڕیاران بۆ گرنگیدان ب ئیدارەیا سەربخۆیا زاخۆ، خەلکێ زاخۆ ھێشتا ھەژی خزمەتێن زێدەترن، ھیڤیێن زاخۆیان ھێدی ھێدی دبنە بەرھەم و ددەمێ ئێک سالدا بەرھەمێ ئیدارەیا سەربخۆ دەرکەفت.

ڕیکلام

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.