Erbil 15°C ھەینی 29 ئازار 08:59

سه‌رۆک بارزانی: له‌ده‌ستدانی مامۆستا شه‌پۆل خه‌ساره‌تێکی گه‌وره‌یه‌

خودای گه‌وره‌ دڵنه‌وایی و ئارامیی به‌ هه‌موو لایه‌ك ببه‌خشێت
sarok barzani
کوردستان TV
#7
100%

بروسكه‌ی سه‌ره‌خۆشیی سه‌رۆك بارزانی به‌بۆنه‌ی كۆچی دوایی نووسه‌ری ناسراوی كورد دكتۆر محه‌مه‌د ساڵح ئیبراهیمی

 به‌ناوی خودای مه‌زن و دلۆڤان..

بنه‌ماڵه‌ی به‌ڕێزی نووسه‌ر و لێكۆڵه‌ری ناسراوی كورد، دكتۆر محه‌مه‌د ساڵح ئیبراهیمی ناسراو به‌ مامۆستا شه‌پۆل

هه‌واڵی كۆچی دوایی ڕۆشنبیر و نووسه‌ر و لێكۆڵه‌ر و كه‌سایه‌تیی نیشتیمانپه‌روه‌ری كوردستان، دكتۆر محه‌مه‌د ساڵح ئیبراهیمی ناسراو به‌ مامۆستا شه‌پۆل خه‌مباری كردم.

مامۆستا شه‌پۆل، وه‌ك نووسه‌ر، وه‌رگێڕ، لێكۆڵه‌ر، ڕۆژنامه‌نووس، مامۆستای زانكۆ و ڕۆشنبیرێكی به‌ ئه‌زموون و به‌توانا، ڕۆڵێكی گرینگی له‌ پێشخستنی ئه‌ده‌بی كوردیدا گێڕاوه‌ و له‌ده‌ستدانیشی خه‌ساره‌تێكی گه‌وره‌یه‌.

له‌م بۆنه‌ خه‌مناكه‌دا له‌ دڵه‌وه‌ سه‌ره‌خۆشی له‌ خانه‌واده‌ تێكۆشه‌ره‌كه‌تان ده‌كه‌م و هاوخه‌میی خۆم ئاراسته‌ی ئێوه‌ و خزم و كه‌سوكار و ئاشنایان و خه‌ڵكی نیشتیمانپه‌روه‌ری مه‌هاباد و ڕۆشنبیرانی كوردستان ده‌كه‌م.

له‌ خودای گه‌وره‌ داواكارم مامۆستا شه‌پۆل بباته‌ به‌ر ڕه‌حمه‌تی خۆی و دڵنه‌وایی و ئارامییش به‌ هه‌موو لایه‌ك ببه‌خشێت.

انا لله وانا الیه‌ راجعون

 مسعود بارزانی

٢٦ـی ٥ـی ٢٠١٨

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.