سه‌رله‌ئێواره‌ی ئه‌مڕۆ پێنجشه‌م به‌هۆی كێشه‌یه‌كی كۆمه‌ڵایه‌تی له‌نێوان دوو بنه‌ماڵه له سنووری پارێزگای نه‌جه‌ف له ناوه‌ڕاستی عێراق، 11 كه‌س بوونه قوربانی.
به‌گوێره‌ی زانیارییه‌كان رووداوه‌كه له گه‌ڕه‌كی فوڕات له شاری كووفه له سنووری پارێزگای نه‌جه‌ف ڕوویداوه و دوو بنه‌ماڵه كه خزم و كه‌سوكاری یه‌كترن، شه‌ڕ له‌نێوانیاندا دروستبووه.
له شه‌ڕه‌كه‌دا چه‌ك به‌كارهاتووه و به‌هۆیه‌وه 4 كه‌س گیانیان له‌ده‌ستداوه، هه‌روه‌ها 7 كه‌سی تریش بریندار بوون.
هێزه‌كانی پۆلیس بۆ دامركانه‌وه‌ی شه‌ڕه‌كه گه‌یشتوونه‌ته گه‌ڕه‌كه‌كه، ته‌رم و برینداره‌كانیش گواستراونه‌ته‌وه بۆ نه‌خۆشخانه‌كانی كووفه و نه‌جه‌ف.
کۆمێنت (0)
تا ئێستا هیچ کۆمێنتێک نەکراوە.