پزیشكێك زیانبەخشترین ماددە بۆ مێشك ئاشكرا دەكات

دكتۆر یلینا ئیگۆرینێڤا، پزیشكی تازەلەدایكبووان ڕایگەیاند، خواردنەوە وزەبەخشەكان و دەرمانی هێوركەرەوە زیان بە كاركردنی مێشك دەگەیەنن.
ئەو پزیشكە ئاماژە بەوە دەكات كە ڕێژەی بەرزی كافاین لە خواردنەوە وزەبەخشەكاندا زیان بە جەستە دەگەیەنێت.
ئەو دەڵێت: پێكهاتەكانی خواردنەوە وزەبەخشەكان كاریگەرییەكی بەهێزیان لەسەر زۆرێك لە ئەندامەكانی لەش هەیە، ئەمەش وادەكات كەسەكە هەمیشە بەدەست فشاری دەروونییەوە بناڵێنێ، لەژێر كاریگەری ئەو پێكهاتانەشدا تێكچوونی خەو و زیادبوونی توڕەبوون ڕوودەدات، بەو هۆیەشەوە كەسەكە تووشی كەمبوونەوەی ئەدای كاركردن و كێشەكانی خەو و تەركیز و سەرنجدان دەبێتەوە، لەوانەش حاڵەتەكە گەشە بكات بۆ ئاڵوودەبوون.
هەروەها ئەو پزیشكە جەخت لەوە دەكاتەوە كە خواردنی دەرمانی هێوركەرەوە بەبێ ڕەچەتەی پزیشك، مەترسی لەسەر تەندروستی دروست دەكات.