ئێران.. بەندکراوێکی کورد لە بەندینخانەی سنە لە سێدارەدرا

 به‌ندكراوێكی كورد له‌ كوردستانی ئێران له‌ به‌ندینخانه‌ی سنه‌ له‌ سێداره‌ درا.
رێكخراوی هه‌نگاو بۆ مافه‌كانی مرۆڤ رایگه‌یاند: به‌ره‌به‌یانی ئه‌مڕۆ پێنجشه‌ممه‌185ی2023"سزای سێدارەی بەندکراوێک بە ناوی مستەفا ساڵحی خەڵکی گوندی دزڵی سەر بە شاری سەوڵاوا لە بەندیخانەی ناوەندیی شاری سنە جێبەجێکرا".

بە وتەی سەرچاوەیەکی ئاگادار كه‌ به‌رێ:خراوه‌كه‌ی راگه‌یاندووه‌، مستەفا ساڵحی سێ ساڵ پێش بە تۆمەتی کوشتنی برای هاوژینەکەی دەستبەسەر و دواتر لەلایەن دەزگای دادی کۆماری ئیسلامیی ئێرانەوە سزای سێدارەی بەسەردا سەپابوو.
مستەفا ساڵحی ڕۆژی شەممە 23ی4  لەگەڵ بەندکراوێکی دیکە بە ناوی جەمشید کەریمی خەڵکی دێولان و دانیشتووی سنە بە مەبەستی جێبەجێکرانی سزای سێدارە بۆ ژووری تاکەکەس گواسترابوونەوە.
هەنگاو زانیویەتی کە دوای وەرگرتنی ڕەزامەندیی بنەماڵەی کوژراوەکە لە بەرانبەر پێدانی بڕی 4 ملیار تومەن پارە، سزای سێدارەی جەمشید کەریمی هەڵوەشاوەتەوە و جێبەجێ نەکراوە.

هەر لەم پەیوەندییەدا، ڕۆژی یەکشەممە 24ی4، سزای سێدارەی دوو بەندکراوی دیکە بە ناوەکانی کیومەرس مینبەری و سەعید ئەرجومەندی کە پێشتر بە هەمان تۆمەت ئەو سزایەیان بەسەردا سەپابوو، لە بەندیخانەی ناوەندیی سنە جێبەجێ کرا.