Erbil 15°C پێنجشەممە 28 ئازار 15:09

ناوەڕۆكی سەردانەكەی سەرۆك كۆماری ئێران بۆ سووریا ئاشكرا كرا

کوردستان TV
100%

ئەمڕۆ چوارشەممە، ئیبراهیم ڕەئیسی، سەرۆك كۆماری ئێران بە سەردانێكی فەرمی دەگاتە دیمەشق و ئەمەش یەكەم سەردانە لەلایەن بەرپرسێكی ئێرانی لەم پۆستەدا بۆ سوریا.
لە دەوروبەری باڵیۆزخانەی ئێران لە ناحیەی ئەلمەزە لە ناوەڕاستی دیمەشق، چەند ڕۆژێكە ئامادەكارییەكان بۆ سەردانەكە كراوە، چونكە بەربەستە زەبەلاحەكانی ئاسن و چیمەنتۆ كە لە ساڵانی یەكەمی ململانێكانەوە لە دەوروبەری باڵیۆزخانەكە دانرابوون، لابرا.
میدیاكانی ئێران و سوریا بڵاویانكردەوە، سەردانەكە بۆ ماوەی دوو ڕۆژ دەخایەنێت، ڕەئیسیش "شاندێكی باڵای سیاسی و ئابووری" یاوەری دەبێت.
هەروەها ئاژانسی هەواڵی فەرمی سوریا (سانا) بڵاویكردەوە، ڕەئیسی چاوی بە هاوتا سورییەكەی بەشار ئەسەد دەكەوێت و لەگەڵیدا گفتوگۆ دەكات سەبارەت بە پەیوەندییە دووقۆڵییەكان و فایلە سیاسی و ئابوورییە هاوبەشەكان، ئەمە جگە لە پێشهاتە ئەرێنییەكانی ناوچەكە.
لە تاران، عەلی بەهادری جەهرۆمی، وتەبێژی حكومەتی ئێران ڕایگەیاند، سەردانەكە كە لەسەر بانگهێشتی ئەسەد دێت، بۆ هەردوو وڵات "گرنگییەكی ستراتیژی" هەیە و ئامانجیشی "ئابوورییە".
بەگوێرەی ڕۆژنامەی ئەلوەتەن، كە نزیكە لە حكومەتی سوریا، ڕەئیسی گەشتێك بۆ چەند ناوچەیەكی دیمەشق دەكات.

رۆژهه‌ڵاتی ناوه‌راست سوریا ئێران

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.