ئوسترالیا بەكارهێنانی تیك تۆك لەنێو دەزگاكانی حكومەت قەدەغە دەكات

ئوسترالیا ئەمڕۆ سێشەممە ڕایگەیاند كە ئەپڵیكەیشنی تیك تۆك لەسەر ئامێرە ئەلیكترۆنییە حكومییەكان قەدەغە دەكات.
مارك دریفوس، داواكاری گشتی ئوسترالیا ڕایگەیاند، بڕیارەكە لە ژێر ڕۆشنایی ئامۆژگارییەكانی دەزگا هەواڵگرییەكانی وڵاتەكەی دراوە و جێبەجێكردنی بە زووترین كات كە بە كردەوە دەست پێدەكات.
ئوسترالیا دوایین ئەندامی هاوپەیمانی هەواڵگری "پێنج چاو"ە كە ئەمریكا، بەریتانیا، كەنەدا و نیوزلەندا لەخۆدەگرێت، كە قەدەغەكردنی تیك تۆكی لەلایەن حكومەتەوە سەپاندووە.پێشتریش فەرەنسا، هۆڵەندا و كۆمیسیۆنی ئەوروپا بڕیاری هاوشێوەیان داوە.
هەروەها سەرەتای ئەمساڵ حكومەتی ئوسترالیا ڕایگەیاند كە بەهۆی نیگەرانییە ئەمنییەكانەوە كامێرای ئەمنی دروستكراوی چین لە نووسینگەی سیاسەتمەداران لادەبات.