دوای نیوه‌ڕۆی ئه‌مڕۆ هه‌ینی تیروپشكی یارییه‌كانی قۆناغی 8ی خولی یانه پاڵه‌وانه‌كانی ئه‌وروپا ئه‌نجامدران، به‌گوێره‌ی ئه‌نجامی تیروپشه‌كه‌كه دوو یاریی ئاگرین له‌م قۆناغه‌دا به‌ڕێوه ده‌چن له‌نێوان ریال مه‌درید – چێڵسی و مانچسته‌ر سیتی – بایرن میونشن.
تیروپشكه‌كه له شاری نیۆنی وڵاتی سویسڕا بۆ یارییه‌كانی قۆناغی 8ی خولی یانه پاڵه‌وانه‌كانی ئه‌وروپا بۆ وه‌رزی 2022-2023 به‌ڕێوه‌چوو، ئه‌نجامه‌كه‌شی به‌مشێوه‌ی خواره‌وه بوو:-
ریال مه‌دریدی ئیسپانی – چێڵسی ئینگلیزی
ئینته‌ر میلانی ئیتاڵی – به‌نفیكای پورتوگالی
مانچسته‌ر سیتی ئینگلیزی – بایرن میونشنی ئه‌ڵمانی
ئه‌ی سی میلانی ئیتاڵی – ناپۆلی ئیتاڵی
به‌گوێره‌ی سیسته‌می پاڵه‌وانیه‌تییه‌كه له قۆناغی داهاتوو و له یاریی پێش كۆتایی خولی یانه پاڵه‌وانه‌كانی ئه‌وروپا تیروپشك ئه‌نجام نادرێت، به‌ڵكو یارییه‌كان به‌مشێوه‌یه خواره‌وه ده‌بێت:-
براوه‌ی یاریی ژماره 4 (میلان – ناپۆلی) + براوه‌ی یاریی ژماره 2 (ئینته‌ر میلان – به‌نفیكا)
براوه‌ی یاریی ژماره 1 (ریال مه‌درید – چێڵسی) + براوه‌ی یاریی ژماره 3 (مانچسته‌ر سیتی – بایرن میونشن).
دواتریش له یاریی كۆتاییدا براوه‌كانی هه‌ردوو یارییه‌كه‌ی سه‌ره‌وه، له‌سه‌ر به‌ده‌ستهێنانی جامی خولی یانه پاڵه‌وانه‌كانی ئه‌وروپا ڕووبه‌ڕووی یه‌كتر ده‌بنه‌وه.
کۆمێنت (0)
تا ئێستا هیچ کۆمێنتێک نەکراوە.