Erbil 15°C پێنجشەممە 28 ئازار 20:56

تەندروستی جیهانی هۆشداری لە بڵاوبوونەوەی زیاتری پەتای کۆلێرا دەدات

کوردستان TV
100%

ئەمڕۆ یەکشەممە 06ـی 11ـی 2022 ڕێکخراوی تەندروستی جیهانیی هۆشداری لە بڵاوبوونەوە و تەشەنەسەندنی زیاتری کۆلێرا دەدات.

ئیناس هومام، بەڕێوەبەری ڕێکخراوی تەندروستی جیهانی لە عێراق و وڵاتانی دەوروبەر ڕایگەیاند: عێراق لەگەڵ وڵاتانی سووریا و لوبنان لە ڕیزی ئەو وڵاتانەیە کە زۆرترین زیانی پەتای کۆلێرای لێکەوتووەتەوە.

ڕاشیگەیاند: یونسێڤ بە فەرمی داوای یارمەتی کردووە بۆ ڕووبەڕووبوونەوە و ڕێگریکردن لە بڵاوبوونەوەی زیاتری حاڵەتەکانی کۆلێرا، کە بەشێوەیەکی بەرچاو تەشەنە دەسەنێت.

بەڕێوەبەری ڕێکخراوی تەندروستی جیهانی لە عێراق و وڵاتانی دەوروبەر ئاماژەی بەوەش دا کە تەشەنەکردنی نەخۆشی کۆلێرا لە عێراق بەم خێراییە پاساو بۆ هۆکارەکەی دەگەڕێتەوە بۆ هەژاری و کاریگەرییەکانی گۆڕانی کەشوهەوا لەسەر ژینگەی عێراق.  

پیسبوونی ئاوی خواردنەوە و خواردن و خواردنەوەی دیکە و سەوزە و میوەی پیسبوو هۆکارن بۆ تەشەنەسەندن و تووشبوون بە پەتای کۆلێرا.

رۆژهه‌ڵاتی ناوه‌راست عێراق تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.