کاتژمێر 06:15ـی ئەمڕۆ شەممە ئۆتۆمبێلێک لە ناوچەی پیشەسازی کۆن لە شاری قامیشلۆی کوردستانی سووریا تەقییەوە.
ناوەندی ڕاگەیاندنی هێزەکانی ئاسایشی ناوخۆی وڵاتەکە ڕایگەیاند: ئێوارەی ئەمڕۆ شەممە 06ـی 08ـی 2022 لە ناوچەی پیشەسازی کۆن لە شاری قامیشلۆ تەقییەوە و بەهۆیەوە کوژراو و برینداری لێکەوتەوە.
جەختیشی کردەوە کە هێزەکانیان دەستیان بە لێکۆڵینەوە کردووە بۆ دەستنیشانکردنی هۆکاری تەقینەوەکە.
پەیامنێرمان لە قامیشلۆ لەمبارەیەوە ڕایگەیاند: بەپێی زانیارییەکان ئۆتۆمبێلەکە بە فڕۆکەی بێفڕۆکەوان کراوەتە ئامانج.
سەبارەت بە زیانەکانیش پەیامنێرمان ئاماژەی بەوەش دا کە هەر بەپێی زانیارییەکانیان 3 کەس گیانی لەدەست داوە کە دووانیان منداڵن تەمەنیان 14 بۆ 16 ساڵە، هەروەها 4 کەسی دیکەش بریندارن.
کۆمێنت (0)
تا ئێستا هیچ کۆمێنتێک نەکراوە.