Erbil 15°C پێنجشەممە 28 ئازار 14:54

حه‌لبووسی پشتگیری خۆی بۆ ئه‌نجامدانی هه‌ڵبژاردنی پێشوه‌خته‌ ڕاگه‌یاند

کوردستان TV
100%

سه‌رۆكی ئه‌نجوومه‌نی نوێنه‌رانی عێراق له‌ بڵاوكراوه‌یه‌كدا پشتگیری خۆی بۆ ئه‌نجامدانی هه‌ڵبژاردنی پێشوه‌خته‌ ڕاگه‌یاند كه‌ موقته‌دا سه‌در ڕێبه‌ری ڕه‌وتی سه‌در داوای ده‌كات.

محه‌مه‌د حه‌لبووسی سه‌رۆكی ئه‌نجوومه‌نی نوێنه‌رانی عێراق له‌ تویتێكدا ڕایگه‌یاند: په‌رله‌مانی عێراق نوێنه‌رایه‌تی گه‌ل ده‌كات به‌و خه‌ڵكه‌شی كه‌ ئێستا خۆپیشاندان ده‌كه‌ن و به‌هیچ شێوه‌یه‌كیش نابێت ئیراده‌ی ئه‌وان فه‌رامۆش بكرێ كه‌ داوای ئه‌نجامدانی هه‌ڵبژاردنی پێشوه‌خته‌ ده‌كه‌ن وه‌ك ئه‌وه‌ی موقته‌دا سه‌در داوای كردووه‌.

ڕاشیگه‌یاند: بۆیه‌ ئێمه‌ پشتگیری له‌ ئه‌نجامدانی هه‌ڵبژاردنی پێشوه‌خته‌ی په‌رله‌مان‌ ده‌كه‌ین له‌ ماوه‌یه‌كی دیاریكراو كه‌ ڕێككه‌وتنی له‌سه‌ر بكرێ بۆ دووباره‌ په‌یڕه‌وكردنی پڕۆسه‌ی دیموكراتی له‌ژێر سێبه‌ری ده‌ستوور و لێكتێگه‌یشتن كه‌ له‌گه‌ڵ به‌رژه‌وه‌ندییه باڵاكانی‌ نیشتمان بگونجێ.

جێی باسه‌ پێرێ چوارشه‌م موقته‌دا سه‌در ڕێبه‌ری ڕه‌وتی سه‌در له‌ په‌یامێكی ڤیدیۆییدا داوای كرد په‌رله‌مان هه‌ڵبووه‌شێته‌وه‌ و هه‌ڵبژاردنێكی پێشوه‌خته‌ له‌ عێراق ئه‌نجام بدرێته‌وه‌.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.