Erbil 15°C ھەینی 29 ئازار 16:55

وه‌زیری ته‌ندروستی دوو نه‌خۆشخانه‌ی سلێمانی به‌سه‌ركرده‌وه‌

کوردستان TV
100%

وه‌زیری ته‌ندروستی حكوومه‌تی هه‌رێمی كوردستان ئه‌مڕۆ پێنجشه‌م بۆ به‌دواداچوونی ڕه‌وشی نه‌خۆشانی سكچوونی توند و كۆلێرا، دوو نه‌خۆشخانه‌ی شاری سلێمانی به‌سه‌ر كرده‌وه‌.

وه‌زاره‌تی ته‌ندروستی ڕایگه‌یاند: د. سامان به‌رزنجی وه‌زیری ته‌ندروستی به‌یاوه‌ری چه‌ند به‌رپرسێكی ته‌ندروستی شاری سلێمانی، بۆ دڵنیابوون و به‌دواداچوونی ڕه‌وشی نه‌خۆشییه‌كانی سكچوونی توند و كۆلێرا، ئه‌مڕۆ پێنجشه‌م سه‌ردانی هه‌ردوو نه‌خۆشخانه‌ی د. جه‌مال ئه‌حمه‌د ڕه‌شیدی منداڵانی فێركاری و نه‌خۆشخانه‌ی شه‌هید د. هێمنی فێركاری كرد‌.

وه‌زیری ته‌ندروستی له‌ سه‌ردانه‌كه‌یدا له‌ نزیكه‌وه‌ به‌دواداچوونی ڕه‌وشی نه‌خۆشانی تووشبووی سكچوونی توند و كۆلێرا به‌تایبه‌ت له‌نێو منداڵان كرد له‌گه‌ڵ گرتنه‌به‌ری ڕێكاری چاره‌سه‌رییه‌كان و ڕێگه‌گرتن و كۆنتڕۆڵكردنی نه‌خۆشییه‌كان.

د. سامان به‌رزنجی وه‌ك وه‌زیری ته‌ندروستی ئاماده‌یی دابینكردنی ته‌واوی پێداویستییه‌كانی چاره‌سه‌ری بۆ نه‌خۆشانی شاری سلێمانی ده‌ربڕی.

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.