به‌ڕێوه‌به‌رایه‌تی پۆلیسی پارێزگای سلێمانی ئه‌مڕۆ سێشه‌م ئاشكرای كرد، مەفرەزەكانی بنكەی پۆلیسی ئاغجەلەری سەر بە بەشی پۆلیسی چەمچەماڵ دەستیان بەسەر تراكتۆرێكدا گرت كە دزرابوو.
ڕاشیگه‌یاند: دوای ئەوەی هاوڵاتییەك لە ڕۆژی 15/2/2022 سكاڵای لە بنكەی پۆلیسی عەربەت تۆمار كرد كە لە نزیك بازگەی عەربەت تراكتۆرەكەی دزراوە، ھێزەکانی پۆلیس لێكۆڵینەوەكانی دەست پێ كرد و سەرجەم بنكەكان ئاگاداركرانەوە لە سكاڵای تۆماركراو.
هه‌روه‌ها ڕایگه‌یاند: دوای لێكۆڵینەوەكان و بەدواداچوونەكان، سەرەنجام توانرا لەلایەن بنكەی پۆلیسی ئاغجەلەری سەر بە بەشی پۆلیسی چەمچەماڵ تراكتۆرەكە بدۆزرێتەوە و دەستی بەسەردا بگیرێت، هه‌روه‌ها دوای تەواوكردنی ڕێكارە یاساییەكانیش تراكتۆرەكە بۆ خاوەنەكەی دەگەڕێندرێتەوە.
کۆمێنت (0)
تا ئێستا هیچ کۆمێنتێک نەکراوە.