پاسه‌وانێكی سنووری ئێران بە هۆی تەقینەوەی مین كوژرا.
رێكخراوی هه‌نگاو بۆ مافه‌كانی مرۆڤ بڵاویكرده‌وه، یەکێک لە کادیرەکانی پاسه‌وانی سنووری شاری سەردەشت بە ناوی مەهدی بەرزگەر سەرلەبەیانی ئەمڕۆ سێشەممە 14 ى 6 ى 2022، بە هۆی تەقینەوەی مین لە سنووری ئەم شارە کوژرا.
بە وتەی سەرچاوەیەکی ئاگادار، مەهدی بەرزگەر یەکێک لە کادیرەکانی گوردانی «بێوران» بووە کە لە کاتی بۆسە دانانەوە بۆ کۆڵبەران و کاسبکاران لە نزیکی کوێستانەکانی بڵفەت و دووپەزە چووەتە سەر مین.
لوقمان خەسرەوی فەرمانداری (قایم مەقامی) شاری سەردەشت ڕایگەیاندووە کە مەهدی بەرزگەر خەڵکی شاری ئەهەر سەر بە پارێزگای ئازەربایجان بووە.
کۆمێنت (0)
تا ئێستا هیچ کۆمێنتێک نەکراوە.